Zëvendës ambasadori i OSBE-së në Shqipëri në një bisedë me të rinjtë në Shkodër ka folur rreth situatës politike në vend si dhe për fenomenin e shitblerjes së votës.
Robert Wilton nga takimi me të rinjtë në Akademine e lidershipit Rinor u shpreh se Rama nuk është trazuar nga protesta e opozitës aq sa u shqetësua nga protesta e studentëve.
“Rama i patrazuar nga protesta e opozitës. Foli për këpurdhen dhe drektonte në bregdet. Une e kam parë më shumë të shqetesuar dhe gati për dialog gjatë protestave të studentëve.”– u shpreh ai.
Ndër të tjera ai foli dhe për fenomenin e shitblerjes së votave, ku theksoi se nga ky fenomen janë përfshirë të gjitha subjektet politike në vend, shkruan Faxweb.
‘Ka patur probleme me shitblerjen e votës: Po! A mund të ndryshonin këto rezultatin e zgjedhjeve: Jo! A është vetëm një subjekt me këto probleme: Jo!
Votuesit kanë patur mundësi për të shprehur zgjedhjen e tyre, pasi e kanë vetë në dorë. Ndoshta për dike 50 lek janë mjaftueshem, por nuk i blen vetëm një subjekt.
Gjatë protestës së të shtunës opozita ishte vetë përgjegjëse. Unë kritikoj përgjegjësit. Ne kemi presion pasi kërkojmë stabilitet.
Të ashtequajturat skandalet në Shqipëri nuk janë unike. Janë të njëjtë me Europën Perëndimore, SHBA etj. Kur shoh diçka të keqe në Shqipëri mund të them që 3 here me të keqe e shoh në Angli.
Dallimi është retorika politike në Shqipëri ka arritur jashtë realiteti. Politikanët këtu i thonë njeri tjetrit gjera që do i rrezikonin lirine si vepër penale. Drejtesia dhe media nuk po ofron mbrojtje.”- deklaroi Wilton.