Ka nisur, pak më parë, mbledhja e Kryesisë së Partisë Demokratike ku do të miratohen kandidaturat për kryetar partie dhe rregullat e propozuara nga Komisioni Zgjedhor për zgjedhjet brenda partisë.
Zgjedhjet do të zhvillohen me 13 qershor, nderkohe qe numri i rivaleve te Bashes per postin e kryetarit, eshte shtuar dhe me kater emra te tjere, ndonese te panjohur me pare!
Kandidatët që kanë dorëzuar formularin e kandidimit në Komisionin e Zgjedhjeve të PD janë: Lulzim Basha, Agron Shehaj, Fatbardh Kadilli, Edit Harxhi, Ibsen Elezi, Admir Mulaj, Edmond Vrapi, Sabri Hoxha dhe Mirjan Jashanllari.
Mësohet se në këto momente emrat e mësipërm po shqyrtohen në mbledhjen e Kryesisë, nëse plotësojnë kriteret e përcaktuara nga Komisioni i Zgjedhjeve.
Gjithashtu konfirmohet se në mbledhje mungon kryedemokrati, Lulzim Basha për të shmangur konfliktin e interesit, ndërsa ka autorizuar dy nën/kryetarët dhe Sekretarin e Përgjithshëm, Gazment Bardhi për të drejtuar mbledhjen.