Pasi e largua nga News 24, Tedi Blushi e pa veten zëdhënësi i Presidentit të Republikës, ndaj me aq sa di, nuk le gjë pa bërë, për tu dukur si punëtor i devotshëm, por pa pasur kurrfarë turpi të shfaqen si zagarë dhe ushtarë, që nga Vasali e dhjetra vasalë, që fatkeqësisht akoma hanë e pinë pa punuar, por vetëm duke lehur në shkelje të etikës, moralit dhe normave të komunikimit, e aq më keq nuk dinë se për çfarë flasin, duke mos pasur as njohuritë elementare të kolonave drejtuese të shtetit.
Fatkeqësisht, uji që rreh në havan Ilir Meta herë pas here, shërben thjeshtë për të mbushur faqet e humorit online, sepse pothuajse çdo “opozitarizëm” ndaj qeverisë e ka denigruar, duke e kthyer në qesharak, sepse vuan nga padia dhe nuk di se çfarë funksioni ka dhe deri ku e ka hapin.
Tedi si zëdhënës i budallallikut të paditurisë së Ilir Metës, shkruan se vartësit e Kryeministrit kanë përgatitur dokrra për këtë projekt.
“A ka mundur shteti të garantojë interesin publik në këtë rast, duke konfiskuar sigurimin e kontratës, apo edhe ky dokument (sigurimi i kontratës) ka qenë i falsifikuar?!”, shkruan më tej zëdhënësi i Metës, duke harruar dëmin kolosal që shkaktoi Meta me bandat e tij në qeveri, duke zhdukur 80 milion dollarët e firmës “Taçi Oil”, së bashku me Azerët, pra që nuk u morën kurrë. Kompania fantazëm e ndërtimit, nuk ishta asgjë para fantazmave azere të Metës, Haxhinastos dhe Berishës.
Ja çfarë thotë Sokol Dervishaj, njeriu më i afert i Metës në atë kohë zv. Ministër i Haxhinastos.
Bisedimet mes palëve dhe nënshkrimi i kontratës, do të duhej të ishte realizuar brenda muajit tetor, por konsorciumi kërkoi një shtyrje të afatit deri në 3 dhjetor. Gjë e cila nuk solli asgjë të re. Vlera prej 20 përqind e kontratës, që duhej depozituar si garanci, nuk ndodhi as pas shtyrjes: “Praktikisht deri më datë 3 dhjetor, nuk ka patur një përfundim të suksesshëm të bisedimeve, pra kontrata nuk është nënshkruar dhe kompania nuk ka dorëzuar 20 përqindshin e garancisë së kontratës”, shpjegoi zoti Dervishaj.
Nuk dihen saktë arsyet e kësaj situate të krijuar. Konsorciumi Vetro Energy, i kontrolluar nga biznesmeni shqiptar Rezart Taçi, nuk ka bërë asnjë koment. Konsulenti ndërkombëtar Patton Bogs, kishte deklaruar, se aspekti financiar nuk do të ishte problem, madje dhe garancia prej 20 përqind do të bëhej në një kohë të shkurtër. Ndërsa vetë zoti Taçi ishte shprehur, se sapo të mbylleshin bisedimet dhe të nënshkruhej kontrata, pagesa prej 850 milion eurosh do të bëhej menjëherë: “Pagesa do jetë një këst i vetëm”. Përfundimisht, Azerët e morën “Albpetrolin” pa paguar asnjë qindarkë dhe e shfrytëzuan, ndërsa Taçi i akuzuar, mori pafajësinë për vjedhje.
Ja si reagon sot pa thënë asgjë Blushi i vogël:
Në procedurën e tenderimit:
Rehabilitimi i segmentit rrugor mbikalimi i Pallatit me Shigjeta – Rrethrrotullimi i sheshit “Shqiponja” – Loti 1.
Vlera e fondit limit të tenderit të shpallur nga ARRSH për Lotin 1 ka qenë = 2 246 450 297 Lekë OSE 18 116 534 EURO
Vlera e kontratës së lidhur me kompaninë fiktive “DH Albania” = 2 246 450 000 Lekë ose 18 116 532 EURO
Sigurimi i Kontratës prej 10% te vlerës së kontratës në shumën = 224 645 000 lekë të reja OSE 1 811 653 EURO
Sipas “dokrrave ligjore” që kanë përgatitur vartësit e tij, lindin disa pyetje për Kryeministrin:
A ka kërkuar sipas rregullave të prokurimit publik qeveria dhe ARRSH konfiskimin e kësaj vlere (sigurimin e kontratës) për llogari të Shtetit Shqiptar, pasi u faktua se kontratën e kishin lidhur me një kompani fantazëm?
A ka mundur shteti të garantojë interesin publik në këtë rast, duke konfiskuar sigurimin e kontratës, apo edhe ky dokument (sigurimi i kontratës) ka qenë i falsifikuar?!
Këto dhe shumë detyra të tjera, ligji ja ngarkon Kryeministrit dhe vartësve të tij, që t’i bëjnë.
Shtëpia me tjegulla dhe shteti me rregulla, thotë populli ynë.
Kjo është e vërtetë, por këtë nuk e kupton Blushi dhe as pronari i tij, se shteti ka rregulla, ndërsa presidenti është deri tek tundja e këmborave dhe nuk është as çoban!/Ekskluzive.al