Zbardhet dëshmia e gardistit që v.rau bashkëshorten e tij mëngjesin e sotëm në Tiranë. 44 vjeçari Alket Arapaj është shprehur se e v.rau gruan pasi ajo e tradhtonte.
‘Gruaja më tradhtonte prandaj e v.rava. Kohë e fundit ishin shtuar dyshimet për tradhti. Më vjen keq për vajzën, jam familjar i rregullt”, mësohet të jetë shprehur Arapaj.
44 vjeçari v.rau në banesën e tyre në zonën e Alliasit bashkëshorten, 36-vjeçare Ervilma Seferaj. Arapaj njihej për sjellje të mirë dhe predikues i fesë islame.
Kanë qenë fqinjët ata që kanë njoftuar policinë, pasi kanë dëgjuar të shtënat në banesën e çiftit. Policia pasi ka mbërritur në vendngjarje ka a.rrestuar në flagrancë, 44-vjeçarin. Çifti kishin bashkë një fëmijë.
Nga një kërkim në faqen e tij në rrjetet sociale, Arapaj para një dy javësh kishte bërë një status pikërisht për tradhtinë. “Tradhtia fodulle shkëlqen thjeshtë sa për një intermexo edhe nëse është e hidhur shumë” , shkruante gardisti.
Në rrethin shoqëror dhe familjar Arapaj njihet si person i sjellshëm dhe praktikues i fesë Islame, ndërsa edhe gruaja ishte e mbuluar. Alket Arapaj ishte i pajisur me armë e shërbimit tip pistoletë, të cilën në bazë të ligjit ka të drejtë ta mbajë me vete edhe jashtë orëve të shërbimit.
