Ylli Rakipi ishte ditën e sotme në Gjykatën Penale të Tiranës, ku depozitoi një kundërpadi ndaj kryeministrit Edi Rama.
Ai tha se ka kërkuar që procesi gjyqësor të zhvillohet me dyer të hapura.
“Kam bërë kundërpadi për Ramën, se ai ka nëpërkëmbur dinjitetin e gazetarëve dhe timin sa e si ka mundur, është rast shumë i cuditshëm kur shkon në gjyq një njeri që është më gojështhururi, që nga 1912 në qeveritë e vendit. Ju e keni ndjekur fjalorin që përdor për ne gazetarët dhe cfarë thotë e deklaron. Po ju sqaroj që ky gjyq është politik, eshtë përpjekje e Ramës që unë të mbyll emisionin, që ka goditur aferat korruptive, koncesionet apo PPP.
U them që kjo është padi e ngritur nga regjimi, që ndryshon formën, nuk kemi më regjimet e hitlerit apo Enverit janë regjime që të privojnë liritë. Ti nuk mundesh, ky i ka vënë fre gjithckaje, blen mediat dhe ka pronë mbi gjithë pushtet e vendit.
Kundërpadia që kam bërë do t’i kërkoj autoriteteve të nisë procesi të vijojë me dyer të hapura dhe të shohim se kush është ai që fyen dinjitetin dhe personalitetin. Vetëm një Gjykata e Erdoganit mund të më dënojë. Besoj te drejtësia, ka njerëz të ndershëm, dhe njerëz që nuk mund të japim verdikte të gabuara. Media ka probleme sa të duash, por nuk është kryeministri që rregullon median, Rama është diktator i tipit të ri”, u shpreh Rakipi.
Padia e kryeministrit Edi Rama ndaj gazetarit Ylli Rakipi u depozitua në datë 31 Janar për një shkrim të publikuar prej tij në nëntor 2018.
Ja çfarë shkruan Rama që Yll Kadriu i bënë kundrapadi:
“Kadri Vasili, meqë nuk e kemi këtu, që ta thoshte, “nga lekët e vetë Unazës së Re merrni dhe jepjani zaptuesve, sepse e keni korruptiv çmimin e kilometrit”. Kjo qasje, e cila është e përhapur nga kadrinjtë e ekspozuar të opozitës politike dhe ndër ata të paekspozuarit e opozitës medatike është një kadriotizëm me yllin në ballë dhe me Andin ndën shalë. Por patjtër do flas konkretisht edhe për këtë. Ka kryeqytet, por ka edhe Bashkim, Kujtim, Pal, Agron, Edmond edhe patjetër ka edhe Ramazan!
Të gjithë këta i bashkon tufa e kadrinjve të PD-LSI-së, bashkë me kadrinjtë e paekspozuar nga Ylli Kadriu, te Andi Kadriu, deri tek Qim Kadriu, të gjithë bashkë”, tha Rama
Yll Rakipi alias Yll Kadriu ka uzurpuar tokat e pronarëve tek Tirana e re dhe ndërtoi pallat, pa patur asnjë metër tokë të tijën dhe ka dalë në mbrojtje të atyre që nuk mbrohen, sepse faktikisht paligjshmëria funksionoi për atë, me ndihmënn e Likes, kur këto nuk i mbron dot Vasali.
Por paftyrësia dhe hipokrizia e tyre është vërtetë për tu “admiruar”./Ekskluzive.al