Gjykata Europiane e të Drejtave të Njeriut e gjeti fajtor shtetin shqiptar për shkelje të së drejtës së jetës me vrasjen e protestuesit Aleks Nika gjatë protestës së 21 janarit 2011 si dhe me pengimin e hetimeve.
Gjykata e Strasburgut njoftoi të martën se një dhomë e saj kishte gjetur unanimisht fajtor shtetin shqiptar për “shkelje të të drejtës së jetës” dhe “të hetimit”, parashikuar në nenin dy të Konventës Evropiane të të Drejtave të Njeriut në lidhje me vrasjen e protestuesit Aleks Nika.
Ky vendim ka tërbuar vrasësin e Aleks Nikës, Sali Berisha, që ka sulmuar nëpërmjet portalit të djalit, Gjykatën e Strasburgut.
Sipas tij, një prej gjyqtarëve që ka dhënë vendimin, është kushëri i Edi Ramës dhe njeri i Sorosit.
“Gjykata Europiane e të Drejtave të Njeriut njoftoi të martën se një dhomë e saj kishte gjetur unanimisht fajtor shtetin shqiptar për “shkelje të të drejtës së jetës” dhe “të hetimit“, parashikuar në nenin dy të Konventës Evropiane të të Drejtave të Njeriut në lidhje me vrasjen e protestuesit Aleks Nika më 21 janar 2011.
BIRN raporton se vendimi u dha nga një trupë, në mesin e të cilëve ishte edhe gjyqtar shqiptar, Dorian Pavli.
Por ky do ishte një rast i rëndë i konfliktit të interesit.
Kujtojmë se Dorian Pavli është kushëriri i kryeministrit Edi Rama dhe ky skandal nuk është denoncuar vetëm nga mediat shqiptare, por edhe nga ato ndërkombëtare.
Para disa muajsh, një nga revistat më të njohura të djathta në Francë, theksonte se mafia e Sorosit e ka dorëzuar drejtësinë në duart e Edi Ramës.
Si një nga shembujt flagrantë të infiltrimit të Sorosit në Gjykatën e Strasburgut, revista ‘Valeurs Actuelles’ sillte rastin e Dorian Pavlit, një marionetë e Sorosit, që nuk plotësonte as kushtet për t’u bërë gjyqtar në këtë gjykatë të të drejtave të njeriut.
Ndërkohë, një organizatë franceze deklaronte më vonë se ishte pikërisht Dorian Pavli që kishte validuar reformën kontroverse në drejtësi në Shqipëri.
Përveç Pavlit, Edi Rama kishte tentuar të dërgonte në Strasburg edhe Sokol Berberin, kunat i ish-ministrit Fatmir Xhafaj”, shkruan portali i Berishës.
Tani këta mirë që të vrasin dhe nuk duan që t’iu zbardhen krimet, por mendojnë se Gjykata e të Drejtave të Njeriut është si gjykatat e Berishës, që vendosin me miqësi.