Një ngjarje e rëndë ka ndodhur mbrëmjen e sotme në Lezhë. Në fshatin Grykë e Zezë, ish-dhëndri i identifikuar si Besnik Pjetri ka vrarë ish-vjehrrin Pjerin Perjaku dhe djalin e tij Gent Perjaku.
Mësohet se rreth orës 23:00, shtetasi Besnik Pjetri ka shkuar në banesën e ish-vjehrrit dhe pas një konflikti familjar ka nxjerrë armën dhe e ka vrarë bashkë me të birin. Pas ngjarjes së rëndë autori është arratisur nga vendi i ngjarjes.
Njoftimi i policisë:
Rreth orës 23:00, në fshatin Grykë Zezë në Lezhë, ka ndodhur një krim në familje, ku dyshohet që shtetasi B.P., ka vrarë me armë zjarri shtetasit P.P. dhe G.P. ( babë e bir), tek banesa e tyre, për shkak të një konflikti familjar. Autori i dyshuar ka qenë pjesë e asaj familje, ish dhëndër i tyre dhe konflikti dyshohet se ka ardhur pas divorcit mes çiftit.
Janë ngritur pika kontrolli si dhe po bëhet krehja e zonës me qëllim lokalizimin dhe kapjen e shtetasit B.P.
Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.