Skema të reja zhvatjeje kanë nisur të aplikohen nga kompanitë telefonike në bashkëpunim me bizneset e vendit.
Një faturë prej 5100 lekësh të reja i është faturuar një klienti të Vodafone, i cili ka marrë pjesë në një kuiz të rrjetit të marketeve Big Market të deputetit të PS Vullnet Sinaj.
Pasi djali ka klikuar në një link në rrjetet sociale, i është shfaqur faqja e Big Market e cila i thoshte se ka fituar një iPhone 13 PRO dhe çmimin mund ta merrte nëse i shkonte sondazhit deri në fund.
Djali i është përgjigjur të gjitha pyetjeve me SMS në telefon, teksa rezultonte si abonent me kontratë mujore tek Vodafone, me vlerë 2200 Lekë, në paketën që përfshin internet, mesazhe dhe minuta falas.
Pasi i është përgjigjur të gjitha pyetjeve të sondazhit të Big Market, i ka ardhur një mesazh nga Vodafone ku shkruhej se ka shpenzuar 5130 Lekë të reja ndërkohë që SMS në telefon i kishte falas.
I riu është tronditur nga kjo zhvatje e dyfishtë e Big Market dhe Vodafone, të cilën e ka denoncuar ne media.
Ai shprehet i shokuar se si ky market mashtron qytetarët me sondazhe zhvatëse në kuadër të Vodafone duke përdorur si karrem telefona të shtrenjtë.
Vodafone organizatë kaçakësh
Paguan tarifën për 22 GB internet në muaj, ndërkohë që në praktikë e bëjnë 8 GB internet, i cili konsumohet që javën e parë të muajit. Është njëlloji sikur paguan për 22 litra naftë, por të hedhin 8 litra. Vjedhja është sa e pakrupullt aq edhe kriminale.
Një tjetër skemë banale vjedhje është zvogëlimi i muajve nga 30 dhe 31 ditë në 28 ditë, ndërkohë që vetëm muaji shkurt ka 28 ditë. Vodafone i ka bërë të gjithë muajt si muajn shkurt, duke e konsideruar ofertën e përfunduar në ditën e 28 dhe jo në fund të muajit.
Një tjetër vjedhje konsiston në fshirjen e GB internet brenda disa minutash, me qëllim për ta detyruar klientin që të blejë një paketë tjetër. Sapo e blen paketën, të vjen SMS nga Vodafone se ju keni harxhuar 80 % të internetit. Pas disa minutash të vjen një SMS tjetër se ju keni harxhuar 100 % të internetit.
Vjedhja më e rëndë ka të bëjë me çaktivizimin e numrit pa paralajmërim, me qëllim për të detyruar klientin ta rimbushë, duke shpenzuar para. Për aktivizimin e numrit klienti duhet të paguajë tarifa arbitrare.
Pas çaktivizimit kriminal, abonentët dafouan të paguanin një tarifë për të pasur numrin aktiv, por kompania Vodafone u vidhte paratë e abonentëve, pa asnjë njoftim, nëse ata nuk i përdornin paratë e hedhura në llogari brenda një muaji.