Presidenti, Donald Trump është larguar nga Shtëpia e Bardhë bashkë me bashkëshorten Milania Trump, sapo ka mbërritur në aeroport ku pritet të niset drejt Floridas ka mbajtur fjalimin përmbyllës.
Trump është pritur me nderime dhe ceremoni të madhe, ku ka mbajtur edhe fjalimin e fundit përpara mediave. Donald Trump ka falenderuar të gjithë mbështetësit për këto katër vite në krye të shtetit.
“Ju dua shumë dhe këtë ua them nag thellësia e zemrës. Dua të falenderoj familjen dhe ata që bashkëpunuan me mua çdo ditë në Shtëpinë e Bardhë. Të gjithë keni bërë një punë të mrekullueshme. Ka qenë një eksperiencë mjaft e veçantë. Ka qenë fantastike ajo që bëmë. Rindërtuam Shtetet e Bashkuara dhe kemi pasur arritjet tona të mëdha. Nëse nuk do të goditeshim nga pandemia, do të bënim më tepër punë të mira” – tha Trump.
VIDEO/ Trump i bëhet pritje madhështore, Presidenti mban fjalimin e
Presidenti Trump ka falenderuer edhe familjen e tij, ku ftoi edhe bashkëshorten për fjalën e fundit përshëndetëse.
“Zoti ju bekoftë të gjithëve, Zoti bekoftë familjet tuaja. Zoti bekoftë këtë Komb” – tha zonja Trump.
Po ashtu, ai iu drejtua qytetarëve duke thënë se në “në një lloj forme, do të kthehem. Shihemi së shpejti:
VIDEO/ Trump i bëhet pritje madhështore, Presidenti mban fjalimin e
Fjala e plotë:
“Ishin 4 vite të mrekullueshme, kemi bërë aq shumë gjëra bashkë. Dua të falënderoj familjen, miqtë dhe të gjithë të tjerët. Njerëzit nuk e dinë sesa shumë ka punuar kjo familje. Mund të kishte pasur një jetë shumë më të lehtë. Ishte diçka shumë e veçantë. Nuk ishim një administratë e zakonshme. Rregulluam ushtrinë dhe veteranët. Ulëm taksat. Shpresoj të mos i rrisin taksat, por nëse e bëjnë, ju pata thënë.
Prandaj patëm edhe shifra kaq të mira në punësim. Po të mos ishim goditur nga pandemia do të kishim pasur shifra të jashtëzakonshme. Deri në shkurt (2020) kishim shifrat më të mira ndonjëherë. Vaksina ishte një mrekulli e mjekësisë. E bëmë për 9 muaj, në vend që për 9 vite. Muajt e ardhshëm do të shihni shifra të jashtëzakonshme në ekonomi. Kemi punuar shumë. Kemi lënë gjithçka në fushë. Jeni të mrekullueshëm.
Ky është një vend madhështor. Ishte nderi dhe privilegji im më i madh që të isha presidenti juaj. Do të luftoj gjithmonë për ju, do të shoh, do të dëgjoj dhe ju them që e ardhmja e këtij vendi do të jetë e shkëlqyer. I uroj kësaj administrate sukses dhe mendoj se do t’ia dalin. Kanë një bazë spektakolare nga t’ia nisin. Në një lloj forme, do të kthehem. Shihemi së shpejti”.-tha Trump.