Roma mund Napolin në Serie A për herë të parë pas 4 vitesh. Skuadra e Mazzarrit u imponua 2-0 në “Olimpico”, në sfidën e javës së 17-të. Një pjesë e parë mjaft emocionuese dhe e luftuar, ku arbitri Colombo nxorri gjashtë herë kartonin e verdhë nga xhepi.
Minuta e 67-të do sillte një nga episodet më të rëndësishme të takimit. Zalewski tërhoqi nga fanella Politano-n, me këta të fundit që nga irritimi godet me këmbë kundërshtarin, duke detyruar gjyqtarin t’i japë kartonin e kuq.
Në inferioritet numerik, kampionët e Italisë rezistojnë vetëm 10 minuta, pasi pësuan gol nga Pellegrini, i cili shfrytëzoi më së miri një asist të El Shaarawy. Në fund pati kohë edhe për Lukaku-n.
Roma e vendit të gjashtë sheh tashmë t’i afrohet një vendi që të çon në Champions League. Napoli vijon me paraqitjet me ulje-ngritje, teksa aktualisht renditet në vendin e shtatë.