Moti i keq është rikthyer sërish në vendin tonë, me reshje intensive shiu, por prej dy ditësh edhe me reshje dëbore, veçanërisht në veri. Për shkak të kushteve atmosferike, drejtuesit e automjeteve po hasin vështirësi në qarkullim në rrugën e Arbrit, ku trashësia e borës ka arritur deri në 5 cm, ndërsa në Lezhë kemi ndërprerje të energjisë elektrike në disa fshatra.
Puka mbulohet nga dëbora, trashësia në qytet arrin 10-15 cm
Reshje të dendura shiu dhe erë e fortë në Lezhë. Ndërpritet energjia elektrike në disa fshatra! Pezullohen lundrimet në Shëngjin.
Reshjet e shiut në Vlorë, bllokohet qarkullimi nga përmbytja në lagjen ‘Rilindja”
Reshjet e shiut me intensitet të lartë kanë pushtuar gjithë vendin, prezente edhe reshjet e dëborës, pothuajse në pjesën më të madhe të veriut.
Ditën e sotme reshjet e dëborës kanë nisur në Shkodër, Fushë-Arrëz dhe Dibër, por situata deri më tani s’është problematike në asnjë prej 3 bashkive.
Borëpastrueset dhe punëtorë të Bashkisë Shkodër janë në terren duke pastruar vazhdimisht aksin Bogë – Theth, në Qafë Thorë.