Kristiano Ronaldo nuk ka duruar dot më, teksa ka shpërthyer në një intervistë të dhënë për gazetarin Piers Morgan, teksa tregon se ndihet i tradhtuar dhe se po e detyrojnë të largohet nga Junajtid. Një deklaratë e bujshme kjo e yllit portugez në prag të Kupës së Botës që do të startojë më 20 nëntor.
“Ndihem i tradhtuar nga Mançester Junajtid. Klubi u përpoq të më detyronte të largohesha. Jo vetëm trajneri, por edhe djemtë e tjerë që janë përreth klubit. Ndihemi i tradhtuar. Ndjej se disa njerëz nuk më donin mua këtë te Mançester Junajtid dhe nuk bëhet fjalë vetëm për këtë vit, por edhe sezonin e kaluar. Unë nuk kam respekt për Ten Hag, sepse ai nuk tregon respekt për mua, kështu që është e thjeshtë. Asgjë nuk ka ndryshuar këtu që nga largimi i Aleks Ferguson.
Kur vendosa të kthehesha në Mançester, ndoqa zemrën time. Fergusoni më tha: ‘Është e pamundur për ty të vish te Siti’. Dhe unë thashë: ‘Ok, shef’ … kështu, u ktheva. Por asgjë nuk ka ndryshuar këtu. Progresi është ZERO.
Ata sollën një drejtor sportiv, Ralf Rangnik, që është një gjë që s’e kupton askush. Ai as nuk është trajner. Një klub i madh si Junajtid që sjell një drejtor sportiv nuk më surprizon vetëm mua, por gjithë botën”, deklaroi ndër të tjera Kristiano Ronaldo.