Pasditen e djeshme, Ilir Meta ftoi organet e drejtësisë që të marrin në konsideratë deklaratën e ish-ministrit të Financës Shkëlqim Cani pasi sipas tij përmes saj mund të shkojë gjysma e qeverisë para dyerve të gjykatës.
Ndërkohë, bashkëlidhur shpresojmë që po i njëjti standard të përdoret edhe me dëshminë e harruar të ish ministrit të Ekonomisë, Dritan Prifti ku akuzonte Metën lidhur me aferat miliona euroshe në këmbim të favoreve ekonomike për kompani të ndryshme.
Kjo dëshmi prej vitesh është varrosur bashkë me të, duke mos u hetuar më kurrë nga institucionet e drejtësisë.
Mbase iniciativa e Metës për sundimin e plotë të shtetit të së drejtës, mund të vazhdojë gjithashtu edhe me thellimin e hetimeve mbi këto akuza të artikuluara nga i ndjeri Dritan Prifti. /TemA/