Një i ri është përleshur me një efektiv policie një natë më parë në Tiranë. Ngjarja ka ndodhur në një nga lagjet e kryeqytetit.
I riu shihet teksa ecën i veshur me një bluzë ngjyrë gri me kapuç në kokë dhe mban një çantë të zezë në shpinë.
Efektivi kërkon ta ndalojë ndërsa ai nuk bindet. Të dy nisin të zihen dhe i riu e qëllon policin dhe e rrëzon në tokë.
Kolegu i efektivit ndërhyn, por në momentin që mbërrin ai, polici është rrëzuar në tokë, ndërsa objektivi është larguar.
Ja dhe deklarata qesharake e polocisë:
Specialistët për Hetimin e Krimeve të Komisariatit të Policisë Nr. 6 arrestuan shtetasin F. S., 22 vjeç, banues në Tiranë, për veprën penale “Kundërshtimi i punonjësit të policisë së rendit publik”. Gjithashtu, për këtë rast, ka nisur procedimi në gjendje të lirë, për vëllanë e 22-vjeçarit, shtetasin Xh. S., 26 vjeç, banues në Tiranë.
Rrethanat: Më datë 25.03.2023, rreth orës 23:00, në rrugën “Aleksandri i Madh”, në Unazë të Re, shërbimet e Patrullës së Përgjithshme kanë konstatuar shtetasit F. S. dhe Xh. S. (vëllezër), të cilët dyshohet se kanë qenë duke konsumuar lëndë narkotike kanabis.
Në momentin e ndërhyrjes së Policisë, shtetasi Xh. S. është larguar me vrap, ndërsa shtetasi F. S., gjatë ndalimit, ka kundërshtuar me forcë punonjësin e Policisë. Shtetasi F. S. ka mundur të largohet, por pas ndërhyrjes së shërbimeve të tjera të Policisë, është kapur, së bashku më vëllanë e tij, dhe më pas janë kryer veprimet procedurale, në drejtimin e Prokurorisë.’- njofton policia.