Myrto Uzuni është njeriu i momentit te Granada. Sulmuesi shqiptar është kthyer në heroin e skuadrës teksa po e udhëheq drejt rikthimit në elitën e futbollit spanjoll me golat e tij. Këtë sezon ai ka shënuar plot 21 gola dhe 4 asiste në 31 ndeshje në kampionat, absolutisht numri një në renditjen e golashënuesve.
Uzuni është kthyer në idhullin e tifozëve teksa ka fituar dashurinë e tyre që gëzojnë çdo gol që ai shënon. Mirëpo, duket se jo vetëm golat kanë mahnitur ndjekësit. Sulmuesi shqiptar ka befasuar të gjithë në konferencën e sotme teksa flet rrjedhshëm në gjuhën spanjolle.
Në postimin e publikuar nga klubi i Granadas në Instagram, shihen komente të tipit: “Flet më mirë se unë” apo “Uau, hera e parë që e dëgjoj dhe fliska kaq bukur spanjisht”.