Një grua është kthyer në tmerrin e qytetarëve të Tiranës, pasi vetëm ditët e fundit ka bërë disa vjedhje në Tiranë. Në dy biznese, ajo është fiksuar nga kamerat e sigurisë teksa u vjedh lehtësisht çanta me para e sende me vlerë.
Report Tv transmeton pamjet kur ‘biondja” hajdute i merr çantën një vajze. Në këto pamje duket teksa gruaja kalon pranë tavolinës ku qëndrojnë të ulura 4 vajza dhe teksa ato bisedojnë me njëra- tjetrën, gruaja merr lehtësisht një çantë shpine dhe largohet.
Edhe policia është vënë në kërkim të autores së këtyre vjedhjeve, por ende nuk është arritur të identifikohet. Në rastin e fundit, gruaja futet në një argjendari kur një çift po blinte unazën e fejesës, ajo futet dhe teksa shtiret sikur shikon unazat tërheq ngadalë çantën e djalit dhe largohet duke marrë edhe paratë që çifti do të blinte unazën.
Njoftimi i policisë:
Më datë 06.05.2018, u referuan materialet në Prokurorinë pranë Gjykatës së Shkallës së Parë Tiranë, për shtetasen R.K., vjeçe 44, banuese në Tiranë, pasi dyshohet se në rrugën “Ibrahim Rrugova”, në ambientet e një argjendarie, i ka vjedhur çantën shtetasit B.Ç., vjeç 28, banues në Tiranë. Neni 134 i Kodit Penal.