Austria fitoi me përmbysje kundër Gjermanisë në miqësoren e luksit të luajtur mbrëmjen e sotme. Sfida nisi me vonesë për shkak të reshjeve të dendura të shiut, por përmbushi pritshmëritë e publikut, pasi pati spektakël dhe gola.
Me interes të veçantë ishte dhe rikthimi i kapitenit të “panzzerave”, Manuel Neuer. “Gardiani i portës” u rikthye në portë parë pas 599 ditësh mungese. Një rikthim i hidhur pasi erdhi me një humbje që hedh hije mbi kampionët e botës para fillimit të Rusisë 2018.
NDESHJA – Takimi nisi më mirë për miqtë që kaluan në avantazh që në minutën e 11-të me Mesut Ozil. Mesfushori mori një top të mirë nga Siebenhandl dhe dërgon topin në rrjetë. Pjesa e parë mbyllet me këtë rezultat. Në pjesën e dytë janë vendasit që me mbështetjen e publikut barazojnë rezultatin. Martin Hinteregger dërgon topin në rrjetë në minutën e 53-të, pas një pasimi perfekt nga Alaba.
Austria mori zemër dhe gjeti dhe golin e fitores me Schopf në të 69-t. Ai gjuan në kufij të zonës dhe mposht për të dytën herë portierin Neuer. Gjermania çalon në testin miqësor para Botërorit, por nuk është ndonjë risi se rezultate të tilla janë “tradicionale” për ekipin e Gjermanisë.
Austri 2-1 Gjermani
Shënues: Hinteregger 53′, Schöpf 69′ / Özil 11′
Austria: Jörg Siebenhandl; Sebastian Prödl, Aleksandar Dragovic, Martin Hinteregger; Stefan Lainer, Florian Grillitsch, Julian Baumgartlinger, David Alaba; Peter Zulj, Alessandro Schöpf; Marko Arnautovic.
Gjermania: Manuel Neuer; Joshua Kimmich, Niklas Süle, Antonio Rüdiger, Jonas Hector; Sami Khedira, Ilkay Gündogan; Julian Brandt, Mesut Özil, Leroy Sané; Nils Petersen.