Anis Mehmeti fantastik. Sulmuesi shqiptar ka realizuar dopietë me Bristol City në Championship, në ndeshjen ndaj Portsmouth.
Mehmeti realizoi fillimisht në minutën e 15-të pas një asist të Bird, ndërsa kompletoi dopietën pas gjysmë ore lojë. Futbollisti kuqezi konfirmon edhe një herë momentin e mirë që po kalon, në një kampionat shumë të vështirë.
Anis Mehmeti në këtë sezon ka gjetur rrugën e rrjetës 8 herë, sakaq për të ky është takimi i 23-të në këtë edicion të Championship. Nëse vazhdon me këtë formë ,nuk do jetë e largët dita kur emri i tij mund të përfundojë në radarët e klubeve të mëdha në Europë.