Anis Mehmeti po kalon një sezon mjaft pozitiv në League One. Futbollisti shqiptar është “abonuar” me golin, teksa ditën e sotme ka shënuar të 6-in për këtë edicion futbollistik. Wycombe Wanderers ka fituar me rezultatin 3-1 kundër Peterborough-it dhe shkon në kuotën e 17 pikëve.
Ndeshja u mbyll pikërisht me golin e Anis Mehmetit. Futbollisti shqiptar ushtron presion ndaj mbrojtësit kundërshtar duke i rrëmbyer topin. 21-vjeçari nis ekipin në kundërsulm në minutën e 95, për t’u shërbyer më pas në zonë, nga ku e ka fare të lehtë të tundë rrjetën.