Ambasadori italian Alberto Cutillo ka zhvilluar një takim me të rinjtë në qytetin e Shkodrës, gjatë të cilit nuk ka mundur të mos e komentonte situatën aktuale në vend.
Cutillo tha se kriza politike në Shqipëri në Parlamentin Europian shihet si diçka anormale dh se vendet e BE-së mbajnë shënime mbi situatat e fundit në vendin tonë.
“Në Shqipëri kemi mbërritur në një situatë komplekse ku disa parti që të paktën në dukje kanë mbështetje të fortë politike kanë vendosur që të mos futen në zgjedhje. Në këtë pikë rregullat kanë devijuar dhe nuk mund të thuhet çfarë është më logjike, të zhvillohen zgjedhje apo të shtyhen çka do të sillte ndryshime në ligj dhe në Kushtetutë.
Ndryshimi i dytë mund të jetë gjetja e një akordi e një marrëveshje, por në dijeninë timë deri më tani nuk ka, prandaj të shtysh zgjedhjet pa arritur një akord mund të sillte probleme më të mëdha pasi sjell ndryshimin e kushtetutës duke lejuar kështu shtyrje të vazhdueshme të zgjedhjeve dhe italianët e quajnë “një varr është më i keq se gropa” por nuk janë sugjerime që më takojnë mua t’i bëj.”