Ditën e fundit të qëndrimit në Shqipëri, Konstandina Anagnosti shkoi te dentisti dhe me të dalë që andej mori një taksi dhe u nis për në Greqi. Por pak minuta më pas gjeti vdekjen në mënyrë misterioze.
Trupi i 16-vjeçares u dorëzua nga autoritetet pa organet e saj jetësore dhe me raportet mjekoligjore mjekësore që flisnin për një vdekje nga shkaqe patologjike.
Sipas medias greke Star.gr, eksperti mjekoligjor në Janinë, ka deklaruar se të miturës i janë hequr organet nga njerëz pa përvojë dhe në mënyrë amatore jashtë çdo procedure mjekësore dhe spitalore.
Profesori i Mjekësisë Ligjore, Mateu Tsugas, nuk ishte i qartë në dëshminë e tij, duke thënë se Konstandina kishte vdekur nga një arrest kardiak për shkak të humbjes së madhe të gjakut gjatë një kirurgjie gjinekologjike.
Mbrëmjen e djeshme babai i Konstandinës ka qenë i ftuar më emisionin “Të vërteta me Zinën” në ekranin e Star dhe ai ka thënë se një mjek i ka treguar se vajzën e kanë çarë me thikë dhe i kanë hequr organet gjenitale.
Gjithashtu se ai ka shtuar se mjeku i ka treguar që vajzës i mungonte dhe një pjesë truri e gjuhe.