Lajmi i trishtë tronditi botën e aktrimit, ku dy ditë më parë aktori me origjinë shqiptare, Panojot Naçi (Panos Natsis) humbi jetën në Greqi, për shkak të një aksidenti automobilistik që i ndodhi. I riu, me shumë premisa në aktrim, festoi ditëlindjen me 3 Janar dhe bëri udhëtimin e tij të fundit më 4 Janar.
Por e turpshme është heshtja makabre e mediave dhe instuticioneve artistike shqiptare të cilat si kuplara që janë, janë të shqetësuara për dorën e thyer të Shkirës dhe shfaqjet ordiner të ca mediokërve që i cilësojnë si VIPA kur janë veçse rripa pa tokza.
Djaloshi Panajot Naçi ishte një nga aktorët më me prespektiv në plejadën e aktorëve të rinj grek, gjithashtu ishte një himarjot i lindur në Tiranë që kurrë nuk e pranojtë të quhej himarjot grek si shumë bashkëqytetarë të tij por deklaronte jam himarjot shqiptarë, si djali i vetëm i motrës së kompozitorit të njohur Gazmend Mullahi dhe i një babai himarjot të persekutuar në vitet e komunizmit.
Aksidenti fatal erdhi në fazën më të mirë të jetës së tij, shkruajnë mediat greke.
‘Në jetën e tij profesionale gjërat nuk mund të kishin shkuar më mirë pasi ai sapo kishte përfunduar xhirimet për serialin e ri televiziv të George Kapoutzidis ” Drama “.
Duke besuar shumë tek ai dhe tek talenti i tij, aktori, skenaristi dhe regjisori i njohur i besoi atij rolin kryesor të Odiseut, heroit qendror që kthehet në atdheun e tij të veçantë për të gjetur veten dhe për të ripërcaktuar jetën e tij.
Marrëdhënia artistike mes tyre ishte lidhur për mirë tashmë pas bashkëpunimit të tyre të parë në veprën e mëparshme televizive të Kapoutzidis, ” Ethniki Hellados “, por edhe shfaqjen ““ Kushdo që dëshiron të divorcohet të ngrejë dorën ”, e cila u prezantua këtë dimër për të tretin sezon radhazi, me shumë sukses.’- shkruajnë në artikull mediat.
Fati nuk ishte në anën e tij! I riu humbi jetën të shtunën në mëngjes, duke u kthyer me motorin e tij nga shtëpia e shoqes dhe koleges së tij Alexandra Tavoularis. Ai u përplas nga një kamion që po kalonte, duke e lënë të vdekur në vend. /Tellalli.al