Para një jave fansat dhe familjarët tij u tronditën kur policia e arrestoi në një hotel lakuriq në praninë e një 20-vjeçareje, por si duket burgu nuk është për të.
Fjala është për reperin nga Tropoja, Arkimed Lushaj, i njohur si Stresi, i cili u arrestua pas një hetimi disa mujor me metoda speciale ku dyshohet se është pjesë e një grupi kriminal që operonte në kryeqytet.
Gjatë kontrollit në dhomën e hotelit në Linzë ku ndodhej Stresi u gjet një sasi kokaine, një armë pistoletë e tipit “Pjetro Beretta” si dhe 12 fishekë të modelit 7.65 mm.
Ndërkohë që arrestimi i tij bëri bujë të madhe, mbrëmë shokët dhe familjarët e tij kanë festuar një lajm shumë të mirë për ta duke e shpërndarë edhe në Instagram.
Një prej miqve të reperit, i cili në Isntagram mban emrin Bajo_bst ka postuar një foto me babain e Stresit, Sali Lushaj, ku shkruan se pas dy javësh Arkimedi do të jetë i lirë.
Ai shkruan:
Për dy javë #free @stresi flm Zotit që dëgjoi lutjet tona!”
E këtë lajm bashkë me foton e kanë shpërndarë edhe fansat e Stresit në faqe të ndryshme ku shkruhet:
bajo_bst një djalë ‘sdi ca t’them oshte shum ndryshe nga tjeret djal nish. Ma bro and Sali Lushaj ma nfund e moren nje lajm t mire Stresi do jete i lire per 2 jave.”
