Mediat turke shkruajnë se Ankaraja zyratre po përgatitet të kundështojë zyrtarisht atë që e quan standard i dyfishtë që aplikohet ndaj qytetarëve turq për marrjen e vizës “Shengen”.
Për këtë qëllim, Turqia do të dorëzojë një raport zyrtar në Komitetin e Çështjeve Ligjore dhe të Drejtave të Njeriut në Asamblenë Parlamentare të Këshillit të Europës përmes të cilit kërkon që të marrë fund ky “trajtim i dyfishtë”.
Raporti, sipas medias turke “Hurriyet”, përcakton se detyrimi për vizë po përdoret si mjet i sanksionit politik dhe kur i referohet lirisë së lëvizjes, ai deklaron se vendi anëtar i zonës Shengen, duhet të “adoptojë parime të standardit minimal të përbashkët” që aplikohet ndaj qytetarëve të çdo vendi të tretë.
Turqia po ashtu pretendon se edhe njerëz të biznesit kanë hasur vështirësi me kohëzgjatjen e vizës gjatë vizitave të tyre në vendet europiane, ndërkohë që mbajtësit e pasaportave të zakonshme kanë denoncuar kohën e madhe të pritjes krahasuar me ata që kanë pasaporta të gjelbra.