Avokatja Brizida Gjikondi e cilëson si një turp që SPAK nuk ka nisur ende hetimet për ish-kryeministrin Sali Berisha, pavarësisht se ka kaluar pothuajse një vit që ai është shpallur ‘non-grata’ nga SHBA.
Ajo deklaroi se SPAK është një levë e politikës, e cila vetëm sa e ka fuqizuar Berishën dhe nuk ka marrë asnjë masë ndaj tij edhe pse krimet e tij i dinë të gjithë.
“Turp që SPAK ka lënë pa hetuar non gratën e Berishës. Ne i dimë në 30 vite krimet dhe mynxyrat që ka bërë Berisha duke shkatërruar të gjithë ëndrrat e shqiptarëve që në filiz dhe sot është lënë i lirë.
Ai sot nuk duhet të ishte aty ku është, por ne jemi shoqëri e sëmurë që i mbajmë zvarrë mëkatet sepse të gjithë kemi ngjyer nga pak gishtin. Krimet e Berishës i dimë të gjithë.
SPAK si levë të politikës sepse pas një viti të shpallur non grata dhe të mos hetohet, pra ka pa fund problematika të Berishës dhe SPAK nuk është marrë, unë vetë e di çfarë është lidhja shkak-pasojë, por për aq kohë sa SPAK drejtohet nga një njeri që ka qenë në krah të Ilir Metës skam si të zbukuroj gjërat.
SPAK është marrë me çështje ordinere dhe është faji i tij që është fuqizuar Berisha, kur në të vërtetë duhet ti ishte konfiskuar pasuria fillimisht dhe pastaj flasim për burgun.”, tha Gjikondi.