Ditën e sotme, rreth orës 15:00, mbërriti në Tiranë trupi i Festim Latos, i cili u v.ra pak ditë më parë në Holandë.
V.arrimi i tij do të bëhet nesër nga familja në Vlorë, ndërsa një mesazh për të e ka pasur dhe Kreshnik Spahiu.
Ish-kreu i Aleancës Kuqezi shprehet se ai nuk e di jetën dhe problemet personale që mund të ketë pasur Lato, ama kountributi i tij për çështjen çame ka qenë shumëfish më i madh sesa puna e bërë nga shteti shqiptar.
Reagimi i plotë i Spahiut:
Sot mbërrin në Tiranë, një shqiptar i v.rarë. Ai quhet Festim Lato. Unë nuk e kam njohur dhe as nuk e kam takuar kurrë të ndjerin Festim ndonëse sot familjes po i përcjell një ngushëllim, por unë njoh shtetin tim që ka detyrim në bazë të nenit 8 të Kushtetutës që të mbrojë jetët dhe liritë e shqiptarve që jetojnë jashtë kufijve!
Unë nuk e di me çfarë merrej në jetë Fastim Lato, por unë di me çfarë punësh të pista merret shteti im. Ndoshta gabohem por Fastimi ishte shumë më tepër patriot se shteti shqiptar që ka 30 vjet nuk bën një deklarate për Çamërinë. Ndoshta gabohem por paratë e qeveritarve shqiptar janë më të pista se paratë e Festimit.
Unë sot ndjej trishtim jo se humbëm një Festim, por se sot trupi i një shqiptari kthehet në një shtet i cili ka v.rarë veten prej kohësh duke lënë miliona jetima brenda dhe jashtë familjes kuqezi.
E paç dheun e lehtë o bashkombasi im shqiptar.