Komunteti sarandiot dhe sidomos ai minoritar, u ballafaquan këtë të dielë me lajmin e hidhur të ndarjes nga jeta të Irodhi Dalanit, ish-kryekomunar i Livadhjasë, njëherësh prodhues e biznesmen i njohur bulmetrash.
Ishte një aksident u rëndë automobilistik ai që i morri jetën qytetarit të njohur, mikut të shumëkujt, Irodhi Dalanit, ndodhur te Ura e Gajdarit, pasi automjeti me të cilin udhëtonte u përplas me një tjetër.
Ai u dërgua fillimisht në spitalin e Sarandës, më pas në atë të Janinës, por nuk mundi të vijonte jetën. Pos goditjes së rëndë në aksident, rrugës për në Janinë pësoi dhe një atak kardiak, që duket se ka qenë shkaku kryesor i humbjes së jetës.
Irodhi Dalani ishte 61 vjeç.
Me një jetë aktive, punëtor dhe i komunikueshëm, ai ishte ndër minoritarët me të njohur të Sarandës, njëherësh një emër me reputacion në komunitetin minoritar, si ish-qeveritar lokal dhe njeri me ndikim të lartë shoqëror.