Moti parashikohet të jetë me reshje shiu, bore dhe një i ftohtë siberian me temperatura ekstremisht të ulëta, që rrallë ndodhin në fund të dimrit. Sipas sinoptikanes Tanja Porja, në një pronocnim për TvKlan, uljet më të mëdha të temperaturave do të shënohen të mërkurën dhe të enjten ku termometri do të shënojë deri në -8 në veri dhe verilindje të vendit. Ndërkohë që reshjet e shiut do të vijojnë deri të mërkurën, pasi thuajse gjithë vendi do të dominohet prej tyre.
Parashikimi per acarin
Një masë e ftohtë ajri pritet të zhvendoset nga Siberia drejt Rusisë duke u zgjeruar përtej Uraleve gjatë fundjavës.
Ndërsa, të hënën dhe në vijim, vala e acartë shtrin ndikimin në pjesën më të madhe të kontinentit Europian duke zbritur në deri në Italinë Qendrore dhe gjithë gadishullin Ballkanik.
Me një vlerësim paraprak, pritet të jetë ngjarje e jashtëzakonshme atmosferike për shumë zona të Europës jo vetëm për faktin se do sjellë temperatura ekstremisht të ulëta në shumë qytete Europiane por më tepër për faktin se ngjarje të tilla vrojtohen rrallë në periudhat e fund-dimrit.