Në atë që mediat vendase përshkruanin sot si “burgu më i rehatshëm në Britani” tre gardiane femra janë burgosur dy vitet e fundit për lidhje intime me të burgosur të rrezikshëm, per lejim të celularëve në dhomat e tyre madje edhe çelësa të qelive.
Punonjëset e burgut Jennifer Gavan, 27 vjeçe, Ayshea Gunn, gjithashtu 27, e Emily Watson, 26 vjeçe, janë burgosur për të paktën tre vjet ne total për lidhje intime me kriminelët që mbaheshin në burgu e ri modern të Wrexham, në veri të Uellsit.
Stafi i burgut të përfunduar në 2017, tani po kryejnë procese trajnimi për të eliminuar korrupsionin e gjerë në impjantin me kapacitet prej 2,100-vetësh.
Burgu i ri ishte kritikuar edhe më parë për kushtet e rehatshme të trajtimit e jetesës, me një seri kursesh arsimi, trajnimi, me salla sportesh dhe palestra luksoze.
Por në 2019 u raportua se të burgosurve u jepeshin çelësat e qelive të tyre si shpërblim për sjellje të mirë, sipas një skeme të çuditshme të inicjuar nga ministria britanike e drejtësisë, shkruan e përditshmja Daily Mail.
Të burgosurve u lejoheshin telefona në qeli, por vetëm telefonata që bënin ata dhe jo të prisnin thirrje nga jashtë.
Gardiania Jennifer Gavan u dënua me tetë muaj burg në dhjetor për dhënien klandestine të një celulari për të dashurin e saj 25 vjeçarin Alex Coxon, në mënyrë që të mund t’i dërgonte foto të vetes.
Ajo ishte kapur gjithashtu duke u puthur me të gjatë marrëdhënies së tyre disa mujore në 2020.
Oficerja pranoi akuzat e abuzimit me vendin e punës dhe se kishte pranuar 150 paundë për të sjellë celularin.
Ndërsa Gunn ishte burgosur për një vit në 2019, pas një marrëdhënieje intime me të burgosurin e rrezikshëm Khuram Razaq, 29 vjeç.
Gunn është e diplomuar në kriminologji e psikologji dhe shihet në një foto duke u puthur me të dënuarin në qeli, teksa mban uniformën e stafit të burgut.
Ndërsa po atë vit Watson u burgos një vit për akte seksuale me të burgosurin John McGee.
Në gjykatë u tha se ajo kalonte aq shumë kohë në qelinë e tij sa stafi nisi të dyshonte dhe kreu hetime.
Zyrtarët thanë se dyshja kishin qenë vetëm në qeli në të paktën tre raste.
Një zëdhënës i burgut tha: “Pjesa dërrmuese e stafit të burgut janë punëtorë dhe të përkushtuar dhe ne nuk do të hezitojmë të dënojmë ata që shkelin rregullat”.
“Tashmë rreth 500 anëtarë të stafit të burgut të Berwyn po kryejnë trajnim parandalimi të korrupsionit dhe të rritjes së sigurisë kundër futjes së objekteve ilegale në impjant”, tha zyrtari.