Kryeministri Edi Rama në takimin me të rinjtë, e FRESH-it, ka dalë edhe njëherë hapur në mbështje të Erion Veliajt për rikandidimin e tij në krye të Bashkisë së Tiranës.
“Besoj që Tirana është në rrugën e duhur. Në Tiranë po bëhet maksimumi. Edhe në disa bashki të tjera që e kanë këtë plagë shumë të madhe unë besoj që po bëhet një punë shumë e madhe.
Sigurisht që janë probleme pafund që nuk mbarojnë asnjëherë, por besoj që po bëhet një punë goxha sistematike dhe ajo që është më e rëndësishmja është që po bëhen punët me radhë”, ka thënë Rama.
“Po pastrojmë rrëmujën që u la pas me instituciont të futura në shpia me shpi të kthyer në isntitucione. Është proces dhe duhet shumë durim. Njerëzit mund të mos presin e kanë pritur gjatë. E vetmja rrugë është t’i bëjmë gjërat me radhë”, ka thënë Rama.
“Çka e karakterizoi qeverisjen e vendit tonë për 20 e ca vite ishte që s’kishte radhë puna. Një këtu, një atje, një atje, një këtu edhe faktikisht shteti, Shqipëria, si shtet, si institucione u bë së Bathorja, një kioskë këtu, një kioskë atje, një ndërtim këtu, një ndërtim atje, një garazh këtu, një lavazh atje. Kështu u bënë Ministrisë. Kështu u bënë Agjencitë. Kështu u bënë dhe sot e gjithë ditën ne kemi akoma shumë punë për të pastruar këtë trashëgimi, me institucione të futura nëpër shtëpi, me shtëpi të kthyera në institucione, me historira të paimagjinueshme, pra është proces dhe duhet durim. Duhet shumë durim”, ka thënë ai.
“Sot do të ishim një vend tjetër dhe do të kishim sistem drejtësisë funksional dhe normal”, ka thënë Rama.