Bazuar në kulturën hindu janë shtatë gjëra të cilat nuk duhet t’ia tregojmë askujt, në mënyrë që të jetojmë në harmoni me veten dhe me botën. Vyacheslav Ruzov, ekspert i kulturave lindore, mendon se të qenit të lumtur ka të bëjë me mbajtjen për vete të disa gjërave.
Planet për të ardhmen– Këshilla e filozofisë indu, është që projektet dhe planet për të ardhmen nuk duhen treguar kurrë. Arsyeja është sepse ka gjëra personale të cilat përballë kritikave të të tjerëve mund të kushtëzohen.
Mos u mburrni me bujarinë– Nuk bëhen veprime bujarie për të marrë pëlqimin e të tjerëve. Kjo gjë nuk ju bën një njeri më të mirë.
Mos u mburrni me veten– Çdo ditë përballemi me sfida dhe ngjarje që na vendosin në provë. Mos u mburrni me kurajon nëse ia keni dalë mbanë, pasi nuk jeni hero.
Mos i tregoni problemet tuaja familjare– Një proverbor e vjetër thotë se “rrobat e palara nuk nxirren jashtë shtëpisë”. Herë pas here bën mirë që të flitet me një mik, por problemet personale sipas filozofisë indiane, është mirë që të mbeten brenda shtëpisë.
Përjetimi shpirtëror jetohet– Përjetimi shpirtëror jetohet, nuk ndahet me të tjerët. Mos flisni vetëm për problemet tuaja- Mësoni që të dëgjoni edhe problemet e të tjerëve dhe të mos mendoni vetëm për veten tuaj. Kjo gjë do ju ndihmojë që të gjeni harmoninë.
Mos harxhoni kohë me thashetheme– Thashethemet lidhur me të tjerët në kulturën hindu sjellin vetëm negativitet dhe i bëjnë njerëzit më negativ.