Analisti Frrok Çupi ka komentuar takimin mes kryeministrit Edi Rama dhe kryeministrit të Kosovës Albin Kurti gjatë qëndrimit të tyre në Slloveni.
Çupi është shprehur në ABC News se në këtë takim nuk ka asgjë të re pasi sipas tij tashmë Kurti është në një situatë që i jep dorën gjithkujt që mund ti hapë derën.
Gjithashtu ai është shprehur se besimi ndaj qeverisë së Kosovës po rrokulliset në sytë e perëndimit dhe vetëm me ikjen e qeverisë Kurti mund të ketë një etapë të re në këtë drejtim.
“Nuk ka asgjë të re nuk ka ndodhur asnjë ndryshim, rebelizmi i kryeministrit të Kosovës ka mbaruar nuk i merr më lopata ujë, dhe sado që të tregojë anti-shqiptarizëm anti Ramë etj, nuk kanë më asnjë efekt.
Takimi I tyre është shumë normal, jemi në situate të tjera dhe aq më shumë që kryeministri Rama në një intervistë theksoi se asgjë nuk e merr personale.
Edhe situate ku ndodhet kryeministri i Kosovës ai i jep dorën kush i hap derën, pasi BE i ka mbyllur dera dhe tani thjesht kërkon që ti hapet dera.
Evropa i thotë mos i zbras zyrat e Mitrovicës ai vijon që ti largojë. Pozitat e Edi Ramës me kryeministrin e Kosovës janë si e një shteti me një shtet tjetër kufitar.
Rama nuk ka dhe s’ka për të pasur asnjë mesazh për Albin Kurtin. Kurti nuk ka më asnjë raport që mund të përdoren element vëllazëror dhe miqësor, ajo që është bërë është e thellë dhe nuk mund të shkojë në pikën ku ka qenë.
Besimi ndaj qeverisë së Kosovës po rrokulliset në perëndim shpresoj që të ndalojë shpejt, dhe besoj se kur kjo të ndodhë qeveria Kurti nuk do të jetë më aty”, ka thënë analisti.