Monika në vilë, Abi në shtëpi, zyrtarët e Ramës në burg për një gotë raki… gjyqtaret nga Myzeqeja bëjnë drejtësi me “trimëri”, poshtërojnë SPAK.
Gjykatësja Iliriana Olldashi, ndryshoi masën e sigurisë për Jamarbër Malltezin nga arrest me burg në arrest shtëpie.
Vendimi i GJKKO-s, ka qenë rasti i parë për ndryshimin e masës nga arrest me burg në arrest shtëpie për dhëndrin e Berishës, vendim i cili nuk është marrë asnjëherë më parë, që nga krijimi i kësaj gjykate.
Ky standard gjykimi nuk është zbatuar as për të akuzuar të tjerë, të cilët kanë patur akuza nga më të ndryshme duke marrë rastet, e katër ish-kryebashkiakëve, Vangjush Dako, Safet Gjici, Fatos Tushe dhe Fredi Bejlerit, edhe në rastin e ish-drejtorit të RTSH-s, Thoma Gëllçi, GJKKO ka vendosur masë arrest me burg.
E njëjta gjyqtare ka dhënë vendime edhe më ekstreme, si në rastin e deputetit Alqi Bllako. Ky i fundit u lirua nga burgu por gjyqtarja Olldashi, vendosi ta rikthejë atë sërish në qeli.
Krimi i Olldashit është “arrest me burg” për të ndjerin Enver Sheshi. Avokati i Sheshit i kishte parashtruar raportet shëndetësore në GJKKO së Apelit, por ishte refuzuar nga Olldashi duke e lënë të vdiste në burg, për një akuzë që edhe nëse do të shpallej fajtor mund të dënohej me shërbim prove dhe kurrë me heqje lirie.
Por bëmat e trimëreshave në gjykata nga zona e Myzeqesë nuk kanë të mbaruar. Papritur shfaqet Flojera Davidhi, e cila dërgoi në shtëpi Saliun e mërzitur, sepse e kishte konsumuar burgun nga ballkoni.
Kurse kulmi është kur gjyqtarja tjetër nga Myzeqeja, Igerta Hysi, e cila me lotët çurk e prekur nga deklaratat e Monikës, që nëse do i largonin nga vilat nën sekuestro do flinte në kontenier ose çadër, e ktheu gjykatën në shoqatë të pastrehësh.
Kjo ishte e papërballueshme për zemrën e kësaj gjyqtareje zemërdhembshur, e cila vendosi që vila e pensionistes Fatime, me pension 8316 lekë në muaj… ti kthehet, sepse është blerë me djersë dhe gjak, duke shitur patate dhe qepë në Qytet Studenti.
Kjo gjyqtare shkallabane, nuk di asgjë nga ato që i dinë të gjithë shqiptarët… se familja Meta-Kryemadhi, është një bandë korruptive e pasuruar në politikën e hajdutërisë, që i ktheu nga brekgrisur në milioner dhe çdo krim i tyre është i shkruar në ballë e nuk ka nevojë për dordolec, që fatkeqësisht në Shqipëri dhe kryesisht në GJKKO gjen me shumicë nën petkun e turpshëm të palaço gjykatsit të këtij vendi.
Kjo nuk është drejtësi, sepse është në dorë të ca kllounve që askush nuk i kupton por me sa dujet dikush ua ka mbushur mendjen, se mund të bëjnë çfarë të duan me njerëzit duke e përdorur ligjin si pronë të tyre, kur janë aty vetëm për ta interpretuar.
Ndaj mos prisni shumë! Drejtësi nuk ka me gjykata bordello dhe prostitucion gjyqësor, që shitet siç mund të shes trupin çdo punonjëse seksi, që e ka të sajin.
Krimi vazhdon, sepse ligjbërësit shqiptarë janë një tufë analfabetësh të pafytyrë, që edhe sikur ta lexojnë ligjin nuk e kuptojnë se çfarë thotë e jo më të arrijnë ta bëjnë vetë.
Mjaftojnë këto tre raste të trimëreshave myzeqare, që çdo shqiptarë të kuptoi se ku është katandisur drejtësia në Shqipëri, që mbahet në këmbë me gënjeshtrën… drejtësia e re e gjirizit të vjetër! /Ekskluzive.al
