I është kërkuar dhe janë informacione jo të konsumuara në mënyrë zyrtare por qarkullojnë dhe përmes lidhjes që kemi me faktorin ndërkombëtar që Ramës i është kërkuar në mënyrë të drejtpërdrejtë të shikojë mundësinë e një kryeministri tjetër ndoshta nga radhët e veta por jo Edi Rama dhe një qeverisje teknike që të përfshijë dhe faktorin tjetër politik apo jo politik për ti dhënë garanci mbajtjes së zgjedhjeve lokale me një standard të pranueshëm.
I ftuar në një bisedë televizive, Nard Ndoka deklaroi se ndërkombëtarët kërkojnë një qeveri teknike për zgjedhjet e 14 majit.
Referuar lidhjeve të tij diplomatike, ai tha se Ramës i është kërkuar drejtpërdrejtë nga personazhe të rëndësishme ndërkombëtare por edhe institucione të sigurisë që të zgjedhë një kryeministër tjetër nga kampi i majtë dhe të ngrejë një qeveri teknike gjithëpërfshirëse.
Ndoka: Sipas informacioneve që unë kam atij i është kërkuar edhe largimi si kryeministër, krijimi i një qeverie teknike për zgjedhjet lokale. I është kërkuar nga personazhe të rëndësishme ndërkombëtare, edhe nga pjesa e institucioneve të sigurisë së tyre në mënyrë të drejtpërdrejtë. Pse? Shohin trazira.
Nuk mund të tolerojnë një lider që ka tendencë për manipulimin e zgjedhjeve, një lider që vjedh çdo ditë, një lider që sot i jep mijëra euro një kompanie që është në hetim për inceneratorët.
Ndoka thotë se do të ishte fundi i sistemit tonë plural nëse Edi Rama do të tentojë përsëri të manipulojë dhe vjedhë zgjedhjet.
Ndoka: Këtë realitet nuk mund ta pranojë jo vetëm opozita por as ndërkombëtarët.