“Kansas City Chiefs” i George Karlavitis fitoi Super Bowl- in e katërt në histori, në një finale të ‘pamundur’ kundër “San Francisco 49 ers”. “Kansas City Chiefs” mposhti me rezultatin 25-22 San Francisco 49ers në kohën shtesë dhe kështu fiton trofeun e tretë në 5 vite.
Skuadra e San Franciscos erdhi si më favoritja për të fituar trofeun në Las Vegas, por kjo ëndërr u shkatërrua nga skuadra e Kansas City Chiefs, çdo gjë ishte e baraspeshuar mirë nga të dyja skuadrat por minutat e fundit shtesës e shpallën fituesin.
Finalja e 58-të e NFL ishte emocionuese gjatë gjithë rrugës. San Francisco, pavarësisht se hyri në dhomat e zhveshjes me rezultatin 10-3 në pjesën e parë dhe kryesoi pothuajse të gjithë ndeshjen, pa titullin të humbasë në fund.
Qendërmbrojtësi i Kansas City Chiefs, Patrick Mahomes arriti të barazojë ndeshjen në 19-19 me dy minuta të mbetura dhe ta dërgojë lojën në kohë shtesë për herë të dytë në historinë e Super Bowl.
Ajo që ra më shumë në sy ishte prezenca e shumë VIP-ve si Jay-Z, princi Harry dhe Taylor Swift që kishte në lojë dhe të dashurin e saj. Pas fitores së Kansas tërhoqi vëmendjen festimi përmes puthjeve mes Tayler Swift dhe Travis Kelce.
E rrethuar nga tifozë futbolli e kamera, Taylor Swift ndau një puthje në fushë me të dashurin Travis Kelce pasi ylli i futbollit amerikan fitoi një fitore të dytë radhazi në Super Bowl.