Deputetja demokrate Rudina Hajdari i qëndron mendimit se ndryshimet e thella në qeveri janë vetëm një “larje duarsh” e kryeministrit Edi Rama nga ministrant me dosje korrupsioni. Përballë një skandali, që pritet të shpërthejë shumë shpejt, kjo ishte një nga format.
“Nuk është aspak koicidencë që në saj të krijimit të SPAK dhe BKH, Rama pastroi kabinetin duke hequr disa nga Ministrat më të korruptuar. Këta që vijnë janë shumica zv. Ministra, ndryshe njihen si teknik. Skema ‘reshuffle’ e Ramës 2, riorganizimi qeveritar, me preteksin e protestave të studentëve u përdor për justifikuar këto ndryshime ndërkohë që ruan kokën e tij”, shkruan deputetja Hajdari.
Brenda 1 muaji në Shqipëri do të jetë ngritur SPAK e përbërë nga 15 anëtarë, që do të kthehen në tmerrin e të inkriminuarve dhe korruptuarve dhe pritet të sjellin furtunë në Shqipëri, me arrestime të bujshme.
Madje një nga komentuesit i kujton Rudina Hajdarit se këto institucione do të bëjnë drejtësi edhe për vrasjen e shekullit atë të babit të saj, Azem Hajdari.
“Shyqyr të ngrihen sa më shpejtë se nuk i dihet bëjnë drejtësi dhe për baben tënde që e eleminoi kryevrasesi i shqupit serbofili”, shkruan komentuesi.