Tensionet midis Serbisë dhe Kosovës vijojnë të jenë të ndezura. Juristi Kreshnik Spahiu në një intervistë për emisionin ‘5 Pyetje nga Babaramo’ thotë pas vizitës së shefit të CIA-s në Kosovë dhe Serbi, William Burns, Kurti dhe Vuçiç u tërhoqën nga ‘ura Ibrit’ dhe ‘bojkoti’.
‘Pas takimit me shefin CIA-s të dy janë paralajmëruar se nëse do të ketë zhvillime në rajon do të ketë reagim. Vuçiç hoqi dorë nga taktika e bojkotit. Rikthimi në institucione, kërkesa për asociacionin, janë një tërheqje e dukshme 180 e gradë e kërcënimeve ushtarake që bënte media e Beogradit. Ka veprime të koordinuar me shefin e CIA-s.’- tha Spahiu.
Spahiu tha se nëse kryeministri Albin Kurti vijon të ecë kundër Perëndimit, Kosova rrezikon të përjashtohet nga Procesi i Berlinit.
Juristi në dukje se ngjarjet e fundit dhe takimet ndërkombëtare kanë ndikuar ndjeshëm në strategjitë e rajonit, duke përmendur se Ballkani i Hapur mund të shërbejë si një alternativë në rast se Procesi i Berlinit dështon.
Spahiu theksoi rëndësinë e qëndrimeve ndërkombëtare dhe sfidat që përballen aktorët rajonalë.
Juristi Kreshnik Spahiu u shpreh se nëse ish-presidenti Donald Trump fiton zgjedhjet në SHBA dhe vjen në pushtet mund të ndikojë në lirimin e Hashim Thaçit dhe mund të shbërbëjë edhe Gjykatën Speciale.