Report Tv dhe Instituti prestigjioz italian Piepoli, sjellin sonte sondazhin e dytë për zgjedhjet politike të 25 prillit. Sondazhi i dytë, 3 muaj para zgjedhjeve po transmetohet gjatë programit ‘Repolitix’ të drejtuar nga gazetari Denis Minga.
Pyetja e parë që i është bërë shqiptarëve në sondazhin e Institutit Piepoli dhe Report Tv është çështja më e ndjeshme e ditëve të fundit, vaksinimi. Qytetarët janë të ndarë në lidhje me sjelljen e qeverisë për fushatën e vaksinimit anti-COVID-19, ku edhe pse përqindja më e madhe 43 % e ka vlerësuar pozitive se ka reaguar mirë dhe shpejt, ndërsa 34 % mendon se ka reaguar keq.
Shqiptarët janë përgjigjur pozitivisht procesit të vaksinimit ku 56 % duan që ta bëjnë atë sot, ndërsa 27 % shprehen kundër. Edhe për menaxhimin e pandemisë 53 % e shqiptarëve, vlerësojnë si pozitive menaxhimin e pandemisë, ndërsa 35 % shprehen të pakënaqur.
Debati i krijuar në Shqipëri pas kritikave që Kryeministri Rama i ka bërë Bashkimit Evropian që nuk u treguan solidarë për shpërndarjen e vaksinave anti-COVID me Ballkanin Perëndimor ka qenë një tjetër çështje për të cilën shqiptarët janë pyetur në sondazhin e publikuar në Report Tv. 54 % e shqiptarëve mbështesin e Ramës ndërkohë që 28 % e shqiptarëve nuk mbështesin sjelljen e kryeministrit.
Zv/Presidenti i Institutit Piepoli Livio Gigliuto është pyetur për pikat kryesore të sondazhit. Ai ka thënë se ndryshe nga sondazhi i parë ku u pyetën 500 shqiptarë kësaj radhe kemi 900, një kampion shumë më i madh se në rastin e parë kështu që të dhënat do të jenë edhe me të rëndësishme.
Instituti Piepoli i cili prej 60 vitesh realizon në Itali sondazhe zgjedhore për RAI-n dhe për televizionet më të rëndësishme kombëtare, ka bërë një marrëveshje me Report Tv për të ndjekur gjithë procesin zgjedhor në Shqipëri deri më 25 prill 2021. Edhe më parë, falë këtij bashkëpunimi Instituti prestigjioz Piepoli arriti të parashikonte saktësisht zgjedhjet e përgjithshme të vitit 2013 dhe 2017 në Shqipëri.
Rindërtimi pas tërmetit, 56% e shqiptarëve pozitiv me punën e qeverisë, 31% janë kritikë
Rindërtimi pas tërmetit prej më shumë se 1 viti tashmë është në qendër të vëmendjes së punës së institucioneve por edhe opinionit publik. Instituti Piepoli i ka pyetur shqiptarët për vlerësimin e asaj që është bërë deri më tani. 56% e tyre janë pozitivë me punën e qeverisë për rindërtimin pas tërmetit. 12% e cilësojnë të shkëlqyer, 33% të mirë ndërkohë që 11% të kënaqshme. Nga ana tjetër 16% e mendojnë se ka qenë e dobët ndërkohë që të keqe 25%.
Situata e pandemisë, 53 % vlerësojnë menaxhimin e qeverisë, 35% kundër masave të marra
Në sondazhin e Institutit Piepoli dhe Report Tv, 53 % e shqiptarëve kanë vlerësuar me nota pozitive masat e marra nga Qeveria për menazhimin e pandemisë së COVID. Nga këta 31% shumë pozitive. Ndërsa 35 % shprehen të pakënaqur.
Sa do ta bënin vaksinën anti COVID sot?/ Mbi 56 % e shqiptarëve thonë ‘Po’, 27 % nuk duan! Të tjerët të pavendosur
Ndërkohë që në Shqipëri ka nisur tashmë fushata e vaksinimit, mbi 56 % e shqiptarë janë pro vaksinimit anti-COVID, ndërsa vetëm 27 % shprehen kundër tij. Ndërkohë që 15 % e shqiptarëve shprehen të pavendosur pasi kërkojnë më shumë informacion në lidhje me vaksinës. Në total 44% janë ende skeptikë.
Si reagoi qeveria për fushatën e vaksinimit? vëtëm 34% e shqiptarëve mendojnë se e përballoi keq
Pyetja e parë që i është bërë shqiptarëve në sondazhin e Institutit Piepoli dhe Report Tv është çështja më e ndjeshme e ditëve të fundit, vaksinimi. Qytetarët janë të ndarë në lidhje me sjelljen e qeverisë për fushatën e vaksinimit anti-COVID-19, ku edhe pse përqindja më e madhe 43 % e ka vlerësuar pozitive se ka reaguar mirë dhe shpejt, ndërsa 34 % mendon se ka reaguar keq. Ndërsa 22 % shprehet se reagimi ka qenë i mirë por ka ndodhur me vonesë.
