Mbrëmjen e djeshme CNA.al publikoi të dhëna dhe fakte mbi sondazhin e publikuar dje në televizionin e Çim Pekës, Syri Tv, sipas të cilit 52% e shqiptarëve donin Lulzim Bashën si kryeministër, ndërsa 38% donin Ramën.
CNA.al bëri disa kërkime rreth kompanisë ‘Flame Tree Advisors’, e cila u shpall si kompania që merrej me sondazhet, drejtor i të cilës ishte zoti Adlej Pici. Në kërkimet tona, ne kemi gjetur edhe llogarinë e tij në Facebook, i cili ka publikuar disa statuse ku mbështet disa personazhe politike, kryesisht elementë apo mbështetës të Partisë Demokratike.
Pra, ky është një raport i publikuar nga një kompani e drejtuar nga një mbështetës i Partisë Demokratike dhe i Lulzim Bashës, i cili punon drejtor tek kjo gjoja “kompani e sondazheve”, apo janë trame me pagesë dhe kanë kompani hije, të cilat publikojnë të dhëna me sondazhe të ndryshme.
Këtë sondazh e shpërndau edhe kreu i PD, Lulzim Basha i cili 100 ditë para zgjedhjeve ka filluar të shpallë fitoren. Është njësoj si historia e famshme e mbretit që doli lakuriq përpara njerzve të tij dhe bënte paradë për të treguar se sa të bukur e kishte kostumin. Kështu është edhe historia e Lulzim Bashës të cilin e gënjejnë me sondazhde duke i thënë se ai është kryeministër. Mesa duket ende ne PD ska asnjë kalama ti thotë të vërtetën.
Por, për ta mësuar më mirë duhet të kuptojë që sondazhdin e ka organizuar kandidati pa zonë Fatbardh Kadilli, ndoshta me urdhër të Lulit, Adlej Peci është një mik i tij i ngushtë. Personi që ka ndërtuar sondazhin është një militant i PD.
Me këto sondazhe, Lulzim Basha bëhet kryeministër i Shqipërisë, kancelar i Gjermanisë, mund të bëhet edhe mbreti Anglisë, ç’ti dojë qejfi mund të bëhet.
CNA.al mbrëmë zbardhi me fakte dhe të dhëna konkrrete se kush e ka ishte organizuar këtë sondazh. Është njësoj sikur sondazh ta kishtë bërë Eno Bozdo për llogari të Partisë Demokratike, në këtë rast e ka bërë Fatbardh Kadilli, apo Bashkim Fino për PS. Luli nuk duhet të dalë kaq lakuriq, mirë është të mos dëgjojë të njëjtët gënjeshtarë që ka dëgjuar gjithmonë.
Basha duhet të ndërrojë rrobaqepësin që të ketë më shumë shanse në zgjedhje. Të paktën do vishet, do e shohim të veshur e jo kështu lakuriq, siç del me këto sondazhe qesharake që e kanë kthyer në më ta pabesueshëm se kurrë më parë./CNA.al