Ish-kryebashkiaku i Kukësit, Safet Gjici dhe Alma K, u ulën dje bashkë në bankën e të akuzuarve në seancën gjyqësore që u mbajt në Gjykatën e Posaçme (GJKKO).
Ata i qëndruan kërkesës në seancën paraprake për gjykim të shkurtuar për akuzën e korrupsionit. Në prani të dy të akuzuarve, prokurorët e SPAK lexuan kërkesën për gjykim ku thuhet se nga hetimet, rezultoi një bisedë e zhvilluar mes Alma K. dhe Safet Gjicit në zyrën e tij, ku Gjici pas favorit seksual, e drejtori Almën te Granit Gjana, për të folur mbi tenderin për strehimin e qenve endacakë.
Në banesën e gruas u gjet një USB, që përmbante filmimin bruto të aktit seksual në zyrën e Bashkisë. Kur është marrë në pyetje e pandehura është shprehur se filmimin e ka bërë në kuadër të emisionit investigativ ‘Fiks Fare’ pasi sipas saj ishte gazetare e padeklaruar investigative në këtë emision. Në telefonin e saj, u gjeten biseda mes saj dhe gazetarëve të Fiks Fare ku flitej për këtë filmim, të kryer nga Alma K me një kamera të fshehur në një kuti kartoni. SPAK thekson se filmimi u bë me vullnet të plotë nga ana e Alma K.
Prokuroria tha se ajo ka pretenduar se Abedin Oruçi, ish-kryetar i Këshillit të qarkut Kukës, ia ka marrë USB-në ku ndodhej filmimi me forcë. “Ajo deklaron se pas takimit të parë më 23 maj 2023 në zyrën e Safet Gjicit, kishte menduar që herën e dytë do të prezantohej me një pajisje regjistruese për fiksimin me audio dhe video të takimit. Pasi e realizoi videon, në momentin e largimit nga Kukësi kishte ndaluar në biznesin e Abedin Orucit dhe e kishte vëne në dijeni të materialit qe kishte xhiruar.
Ky i fundit i kishte kërkuar ta shihte videon dhe ia kishte marrë për mos të ja kthyer më. Vetëm të premten më 15 qershor 2023, një ditë para publikimit ne media të videos, personi nën hetim e ka marrë një USB me materialin video që ka sjellë nje shofer furgoni”, thuhet në dokument. Por sipas SPAK ky fakt nuk është konfirmuar nga hetimi.
Biseda
Në dosje, evidentohen biseda mes Alma K dhe një personi me emrin Abedin, ku flitet për një objekt të cilin ai ka marrë nga autorja e filmimit.
B (Abedin Oruci): Dëgjo mu ti ke fol me Salën vet
A (Alma K): Po Jo mo Jo, se skam fol fare une me Salen o Abedin, e ballafaqojmë skam pune une as me Sale as me nji o, une po te them vetem me ty, ca Sale
Në zhvillim gjeni pjesë nga përgjimet.
Në telefonin e Alma K, SPAK ka gjetur një video të krijuar në datën 13 qershor 2023 me kohëzgjatje 2 minuta e 47 sekonda, ku e pandehura identifikohet si personi A dhe shtetasi me emrin Abedin si personi B. Në një bisedë të datës 15 qershor 2023, Alma K, kërkon sërish materialin nga Abedini, pasi donte ta paraqiste në një ambasadë për të kërkuar mbrojtje. Bisedat kanë vijuar edhe në datën 16 qershor ndërkohë që para publikimit të videos, teksa komunikon me gazet
arët dhe kontaktet e saj, Alma K shpreh frikë për publikimin e materialit nga një person me emrin Abedin. “E hetuara Alma ka njohje dhe komunikime me shtetasin Abedin Oruçi edhe para regjistrimit te videos ne zyren e kryebashkiakut, dhe bisedojne ne lidhje me marrjen e një sendi që në datë 6 qershor 2023 por nuk permendin natyrën e këtij sendi”, informon SPAK. Nga kqyrja e rrjeteve sociale, SPAK thotë se Alma K ka komunikuar me shtetasin me emrin Abedin Oruçi në messenger nga data 22 shtator 2022.
Paralajmërimi
Ndërkohë në një tjetër pjesë nga dosja e videoskandalit seksual në zyrën e bashkisë së Kukësit mes Safet Gjicit dhe Alma K. Në dosje tregohet një incident, më datë 09.06.2023 kur Safet Gjici është betuar si kryebashkiak i Kukësit dhe është mbajtur mbledhja e parë e Këshillit Bashkiak. Në këtë mbledhje, këshilltari Astrit Cengu ka marrë fjalën dhe me tone të ashpra, në dosje thuhet se i është drejtuar kryetarit Gjici duke tundur telefonin që kishte në dorë dhe deklaronte se Gjici edhe pak kohë do të qëndronte në detyrë për shkak të një video që do bëhej publike dhe që do të trondiste të gjithë vendin.
“Me date 09.06.2023, ditën e betimit te Kryetarit te Bashkisë Kukës ndodheshin ne Pallatin e Kulturës ne Kukës ku është mbajtur mbledhja e pare e Këshillit Bashkiak. Ne përfundim te votimeve për anëtaret e këshillit te qarkut, mori fjalën shtetasi Astrit Cengu dhe me tone te ashpra duke iu drejtuar kryetarit Gjici dhe duke tundur telefonin qe kishte ne dore deklaronte se ky i fundit edhe pak kohe do të qëndronte ne detyre per shkak te nje video qe do behej publike dhe qe do te trondiste te gjithe vendin. Nder te tjera deklaruesi shton se eshte vene ne dijeni per përmbajtjen e videos vetëm ditën e publikimit neper media pra me date 16.06.2023.
Ne ate moment ai e ka kuptuar se cilet ishin personat e perfshire ne video dhe ka bere lidhjen me shtetasen Alma K. te cilen e kishte takuar ne zyren e kryetarit per projektin e kafsheve te pastreha. Gjithashtu Gjana deklaron se ne ditet ne vijim pas takimit me Alma K. ai ka tentuar te vihet ne kontakt telefonik me te dhe ka insistuar qe kjo e fundit t’i dergonte me e-mail projektin e kafsheve te pastreha.
Vetem pas ketyre tentativave qe nuk gjenin pergjigje tek Alma K. ai ka krijuar bindjen se ideja e projektit mund te ishte nje tentative mashtrimi dhe se kjo shtetase nuk ishte serioze dhe per kete ka biseduar edhe me kryetarin Gjici i cili i ka sugjeruar qe te vihet ne kontakt edhe fizikisht me shtetasen Alma K. per te kuptuar nese kishte realizuar ndonje video ne zyren e Bashkise diten e takimit. Ai gjithashtu shton se eshte vene ne dijeni se Safet Gjici dhe Alma K. jane takuar edhe nje here tjeter ne zyre perpara dates 06.06.2023”, thuhet në dosje.
Alma K. tregon bisedën me të moshuarën pasi del nga zyra e Gjicit
Protagonistja e video skandalit me Safet Gjicin, Alma K. ka dëshmuar se materialin filmik ia kishte marrë ish-kryetari i këshillit të qarkut Kukës Abedin Oruçi. Gazeta “SOT” po sjell një pjesë nga dosja, ndërsa Alma K ka treguar bisedën me një të moshuar dhe se çfarë i kishte thënë ajo teksa dilte nga Bashkia e Kukësit, pasi kreu aktin seksual me Safet Gjicin.
“Edhe Alma K në dëshminë e saj thotë se në dalje nga Bashkia pas marrëdhënies seksuale me Gjicin në zyrën e këtij të fundit, kishte takuar një të moshuar që i kishte thënë fjalë thumbuese “Eh moj bijë sa hynë e dalin këtu”, që sipas Alma K i lanë të kuptonte se nuk ishte e para që dilte nga Bashkia në atë gjendje”, thuhet në dosje.