Sot para një jave kryeministri Rama dhe lajmin për dorëheqjen e ministrit të Brendshëm, Fatmir Xhafa, për të propozuar në vend të tij Sandër Lleshin.
Mirëpo me ditët ka skaduar edhe afati kushtetues që presidenti Ilir Meta ka për të dekretuar ministrin e ri të Brendshëm të propozuar nga vetë Rama.
Sipas Kushtetutës, presidenti ka në dispozicion 7 ditë kohë për të dekretuar një ministër nga koha e propozimit nga kryeministri i vendit.
Me sa duket dekretimi ka mbetur pezull për faktin e gradës që mban Sandër Lleshi, kështu e kanë argumentuar ekspertët ligjorë të Presidencës, pasi Kushtetuta e thotë qartë se ministri nuk duhet të mbajë asnjë post tjetër publik, apo të jetë pjesë e Forcave të Armatosura.
Meta tha dje:
Nuk është çështje shpatullash, por është çështje bindjesh, nëse nuk më bindin nuk do t’i dekretoj.
Kemi rastin e Italisë ku presidenti ka të njëjtat kompetenca, ku ai mendoi se një emër i propozuar si ministër ekonomie nuk e firmosi, pasi mendoi se rrezikonte ekonominë e Italisë. Askush nuk e detyron presidentit të firmosë një emër jashtë bindjes së tij.”
Ndërkohë që opozita mund ta shihte si fitore shkarkimin e Xhafës, presidenti nuk e dekreton të riun dhe kjo ngre shumë pikëpyetje.
Pra mund të themi që aktualisht Shqipëria është pa ministër të Brendshëm, pasi dorëheqja e Xhafës është pranuar që ditën e parë nga Rama.