OKB thotë se 1 në 10 fëmijë që paraqiten në spital në Gaza regjistrohen si persona të cilët janë duke vdekur nga uria.
Kjo organizatë paralajmëron se shifra në realitet mund të jetë edhe më e lartë.
OKB ka paralajmëruar në vijimësi për situatën e vështirë në Gaza, ku mungon uji dhe ushqimi, me civilë që ndihen me fat nëse arrijnë të sigurojnë një vakt ushqimi në ditë apo pak ujë të pijshëm.
Edhe ndihmat nga organizatat ndërkombëtare nuk arrijnë gjithmonë pas pengesës nga autoritetet izraelite, të cilat vetëm pak ditë më parë qëlluan mbi civilët e mbledhur pranë një prej qendrave ku shpërndahej ushqim duke lënë më qindra të vdekur.