Në një kohë kur situata politike në Shqipërisë zien nga protestat për tarifën e Rrugës së Kombit, ambasadori amerikan Donald Lu nuk është përzier fare në këtë punë. Jo vetëm kaq por ai ka qëndruar larg edhe në distancë.
Ambasadori Amerikan Donald Lu është parë ditën e sotme në Aeroportin ndërkombëtar të Athinës.
Lajmin e bën me dije gazetari Robert Goro i cili rrëfen se ambasadori po priste në radhë si qytetar i thjeshtë bashkë me familjen e tij.
Nuk dihet se ç’bën Lu në Athinë, nëse ka kaluar tranzit apo kryeqyteti grek ka qenë pikërisht destinacioni i tij por ky udhëtim vjen në ditë tensionesh në vend, me valë protestash e thirrje nga opozita për mosbindje civile.
“Një befasim i kendshem në aeroportin ndërkombëtar të Athinës. As edhe një bodyguard rreth tyre, as shërbim VIP apo biletë business class. Duke pritur me durim në radhë, me shumicën e qytetarëve që udhetonin në economy class, edhe ambasadori i SHBA-ve në Tirane, Donald Lu me familjen”, shkruan gazetari.
Foto: Ambasadori Lu dhe gazetari Robert Goro