Në fundin e Shtatëqindës, Egjipti i përkiste Perandorisë otomane. Por ligjin e bënin 24 bejlerë vendas, princët mamlukë me vasalët e tyre.
Po cilët ishin? Mamluk në arabisht do të thotë “njeri i blerë”, por në rastin e tyre nuk kish fare të bënte me skllavërinë.
Kaukazianë
Mamlukët ishin pasardhës të 12 mijë të rinjve të rekrutuar në Kaukaz nga një sullnat, në 1250-ën e largët: misioni i tyre ishte të formonin një trupë ushtarake elite.
Shkurt, këta luftëtarë shumë të fortë dhe me lëkurë të bardhë morën në duar vendin dhe e dominuan, edhe pas pushtimit otoman të vitit 1517.
Mamlukët i zgjidhnin gratë e tyre mes grave më të bukura të Egjiptit, por nuk bënin pothuaj kurrë fëmijë: për të mos prishur formën e tyre fizike me shtatzaninë.
Kasta e mamlukëve nuk u zhduk sepse “importonte” djem të rinj nga Kaukazi. Kështu vazhdoi dominimi i tyre mbi 3 milion egjiptianë.
Mamlukët i dedikoheshin vetëm luftës dhe shfrytëzonin pasuritë e vendit për të kënaqur dëshirat e tyre, por nuk ishin të interesuar për asnjë lloj modernizimi.
Eleminimi
Humbjet kundër Napoleon Bonapartit i dobësuan tiranët e Kairos dhe i dhanë mundësinë sulltanit otoman që të organizonte një ekspeditë kundër tyre.
Në krye të ushtrisë turke u vendos një gjeneral shqiptar, Mehmet Aliu, që sot konsiderohet themeluesi i Egjiptit modern.
Gjenerali, në vitin 1811, masakroi me pushkë e bajoneta gjithë mamlukët, pasi i kishte tërhequr me një pretekst në kalanë e Kairos. Nga mamlukët mbeti vetëm kujtimi i tyre. /Infopress/