Në korrik 2022, pas Luan Dacit dhe Ardjan Hajdarit, një nga kimisioneret e “Vettingut” që i ka ngecur koka në derën e SPAK-ut, është Etleda Çiftja. Kjo e fundit rezulton të jetë marrë e pandehur për akuzën e “Falsifikimit të dokumentave” dhe “Deklarimit të rremë të pasurisë”.
Komisionerja Çiftja nuk ka pranuar akuzat e prokurorisë, por njëherësh ka kërkuar gjykim të shkurtuar, duke preferuar të zgjidhë çështjen në tavolinë.
Fitoren në tavolinë në një ndeshje futbolli, ta jep ose një arbitër ose një komision i posaçëm i institucionit ku zhvillohet ndeshja.
Dhe në fakt ndeshja juridike mes SPAK-ut dhe komisioneres Etleda Çiftja, synohej të zgjidhej pikërisht në tavolinën e gjyqtarit Erion Bani, i cili me sa duket e ktheu ditën e Xhuma (të Premtes së zezë), në një ditë të vyer për komisioneren.
Xhumaja pritet të jetë ditë feste dhe hareje për komisioneren Çiftja, e cila me vendimin e pafajësisë nën sqetull, ka shumë gjasa t’u drejtohet plazheve të bukura të jugut, për t’u thekur në diellin përvëlues të gushtit dhe kështu ndodhi.
Po përse kaq trim dhe zemër madh gjyqtari Erion Bani?
Erion Bani ka qenë subjekti që është gjykuar në KPK nga Etleda Çiftja, e cila ka miratuar kalimin e gjyqtarit në Shkallën e Parë.
Megjithëse gjyqtar, Bani ka kërkuar dorëheqjen nga kjo çështje, titullarja e gjykatës ka vendosur të mos pranojë kërkesën e tij për dorëheqje.
Dhe e njëjta gjë ka ndodhur edhe kur prokuroria ka kërkuar përjashtimin e Erion Banit nga gjykimi i Etleda Çiftes, pasi ka konflikt të pastër interesi. Por sërish kërkesa e prokurorisë është rrëzuar.
Madje u rrëzua dhe një kërkesë tjetër, ajo e palëve kallëzuese, të cilat sipas gjyqtar Banit nuk duhet të lejoheshin të merrnin pjesë në gjykimin e seancës paraprake që zhvillohej ndaj komisioneres Etleda Çiftja.
Tani meqënëse të dyja kërkesat si e Banit dhe ajo e prokurores Millonai u rrëzuan, në datën 29 korrik, ditë e Xhuma, mbeti gjë tjetër veçse të duartrokitet rrëzimi e pretencës së akuzës, për dënimin e Etleda Çiftes dhe deklarimin e saj të pafajshëm.
Kjo është marrëveshja që Etleda Çiftja dyshoj se ka bërë me gjyqtarë të SPAK-ut, në ditën e fundit të tyre në punë.
Pasi pikërisht ditën e Xhuma, zyrtarisht gjykata, prokuroria dhe KPK-ja marin pushimet verore të gushtit dhe kërcasin dhe ikin në plazh.
Erion Bani u zgjodh nga shorti elektronik për t’i kthyer borxhin Etleda Çiftes dhe njëherësh për të dhënë pafajësinë e vyer për të në xhumanë e fundit të punës.
Dhe pafajësia u dha sashtu siç ishte parashikuar. Komisioneria Çiftja e PAFAJSHME!
Por vendimi i gjyqtarit Erion Bani që shpalli të pafajshme komisioneren e Vettingut, Etleda Çiftja, ka ngjallur reagime.
Instituti i Studimeve Politike e konsideron si “kthim nderi” i gjyqtarit ndaj komisioneres Çiftja.
Unë votoj ta kalosh vettingun dhe ti më nxjerr të pafajshme në gjyq me SPAK-un”! Një gjyqtar testohet në veting nga tre anëtarë dhe e kalon atë, njëra nga tre anëtarët akuzohet nga SPAK-u për veprat penale falsifikim dhe deklarim i rremë i pasurive, dhe gjyqtari gjykon personin që e votoi në veting!
Vetë subjekti sqaron se mund të jetë në konflikt interesi, por ‘garanton’ se marrëdhëniet me të pandehurën kanë qenë dhe janë ‘indiferente’”, thuhet në reagimin e ISP-së.
Sipas ISP-së, vendimi dhe detajet e vendimit janë pa rëndësi, të pritshme, por thelbi është se ky mbetet një tjetër rast tipik që tregon se standardet e drejtësisë së re janë e mbeten ende larg prishtimërive, premtimeve dhe nevojës për drejtësi funksionale, të besueshme dhe me integritet.
“Një rast tjetër në GJL, ku i njëjti gjyqtar gjykoi vetveten, pra vendimin e tij të dhënë në apel, nxjerr në pah edhe nevojën e praktikave të reja strikte kundër konfliktit të interesit dhe për standarde integriteti në institucionet e reja të drejtësisë & vetingut”, përfundon reagimin ISP.