Protesta e studentëve i ka kapur gafil të gjithë dhe tani duan të përfitojnë edhe ata që s’kanë lidhje, një copë nga lavdia e tyre.
Dhe nuk bëhet fjalë vetëm për partitë, por edhe për disa personazhe që kanë përfituar nga politika për vite me radhë dhe janë kthyer edhe më të urryer se vetë politikanët, për shërbimet që iu kanë bërë.
Ata duan të marrin nga lavdia e studentëve, për të rilindur edhe vetë në sytë e publikut.
Një prej tyre është Blendi Fevziu, kryeshërbëtori i të gjithë pushteteve, që vajti iu rrëmbeu nga duart mikrofonin studentëve, për të treguar se është edhe ai pjesë e “historisë”.
Ndërsa sot, ka paralajmëruar se do të zbresë në shesh, vetë ai, Artur Zheji.
“Kam i ulur me ta (në panelin e një emisioni u ul bashkë me studentët), sepse jam me ta dhe normalisht kjo paralajmëron dhe zbritjen time në protestë, që nesër.
Në skenografi ndodh sot, ndërsa në gjeografi reale ndodh nesër.
E shoh që protesta ka kapur palcën e shqetësimit të gjithë shqiptarëve. Është shndërruar nga një protestë e studentëve në një protestë kombëtare për një Shqipëri më të mirë që shqiptarët duan dhe jo politikanët duan”, tha Zheji.
Altin Goxhaj ndërkohë me Besjan Peshën, kanë zbritur me kohë në shesh.
Sot më shumë se kurrë, ndoshta ka vend ajo shprehja e famshme e Mustafa Nanos, “mblidhuni të gjithë qelbësirat bashkë”.
Merrni edhe ju një copë lavdie nga ajo e studentëve!/TemA