Dalja në dritë e provave dhe e fakteve të reja rreth skandalit të Rovena Gashit për fshehjen e të paktën 16 pronave, një pallati në zonën më të shtrenjtë të plazhit të Durrësit, të 14 apartamenteve te Shkëmbi i Kavajës dhe 2 ambjenteve gjigande mijëra metra katrorë godina dhe sipërfaqe të tëra toke në vlera që përllogariten në miliona e miliona euro, po zbulon detaje të tjera tronditëse.
Të gjitha provat e reja hedhin dritë mbi një realitet të errët mbi krahun e djathtë të ish Kryeprokurorit Llalla, krejt tjetër e të panjohur më parë, që e bën edhe më të qartë lidhjen e tyre dhe faktin se tashmë po hetohen nga strukturat e specializuara si bashkëpunëtore në rastet e mëdha të korrupsionit, siç deklaroi Departamenti Amerikan i Shtetit.
Ish ministri ynë i drejtësisë shkoi më tej kur tha se Adriatik Llalla dhe Rovena Gashi kanë vendosur miliardat e pasurive të paligjshme, nga krimi i organizuar pasi u kanë shërbyer duke i mbyllur dosjet e krimeve dhe trafiqeve të paligjshme.
POr si ka arritur çifti Adriatik Llalla- Rovena Gashi fillimisht e për rrjedhojë edhe çifti Rovena Gashi – Dritan Gina që ta realizojnë këtë skemë korruptive dhe pasurimi nëpërmjet parave të krimit duke krijuar më pas edhe skemat e tyre të sofistikuara për pastrimin e parave të pista të fituara në mënyrë të paligjshme?
Më poshtë keni dokumentat që tregojnë kronologjinë e lulëzimit fillimisht të karrierës së Rovena Gashit pranë ish Kryeprokurorit Adriatik Llalla e më pas, edhe të bashkëshortit të saj Dritan Gina.
Adriatik Llalla u zgjodh Prokuror i Përgjithshëm me vendim të Parlamentit më 7 dhjetor 2012. Një nga vendimet e para që ai ka marë në vitin e ri 2013 ka qenë emërimi i Rovena Gashit, nga Prokurore e thjeshtë e Prokurorisë së Tiranës në 2012 (shkresa Nr.1) në Drejtoreshë të Drejtorisë së Juridiksionit me Jashtë, një post që edhe për shkak të udhëtimeve të tyre të shpeshta jashtë vendit, i ka afruar shumë më tepër, derisa më pas zonja Gashi u bë edhe drejtoreshë e sektorit të Dekriminalizimit, nisi ta përfaqësonte Prokurorinë edhe nëpër debate televizive, e më pas u tha se ajo ishte gruaja që bënte ligjin në Prokurori.
Paralel me këtë forcim të pozitave të saj, ka ardhur edhe pasurimi. Vitin e parë që ajo shkoi pranë Llallës u bë menjëherë me dy shtëpi të reja një në Tiranë e një në Durrës dhe me makinë të re dhjetra mijëra euroshe. Siç mund ta shihni në shkresën Nr. 3, bashkëshorti i znj. Gashi deri në vitin 2014 ka qenë një prokuror i thjeshtë në Durrës. Më pas, (shkresa Nr.4) bëhet Kryeprokuror i Qarkut më të Rëndësishëm pas Tiranës të cilin e kontrollinte bashkëshortja e tij, në atë të Elbasanit.
Ky forcim pozitash ka sjellë me sa duket, tashmë që bëhen publike faktet tronditëse të skandalit, edhe pasurimin marramendës të tyre, aq sa ajo pasuri që pritet ti sekuestrohet, vlen miliona e miliona euro. Pas largimit nga drejtësia të Llallës dhe bashkëshortes së Ginës, Rovena Gashi, nesër vetingu do japi verdiktin përfundimtarë edhe për Ginën, që sigurisht do i bashkohet grupit të madh të tregëtarve të drejtësisë, që shumë shpejt do japin llogari në bangën e të akuzuarve.