Pak minuta më parë u raportua se ish-ministri Luan Hajdaraga 66-vjeç është sjellë me urgjencë me helikopter nga Struga drejt Tiranës, pasi pësoi një ishemi në tru.
Ndonëse ish-ministri po merr shërbimet e nevojshme për stabilizimin e parametrave jetësore në Tiranë, mësohet se edhe udhëtimi me helikopter ka qënë i vështirë për shkak të motit të keq.Por, kjo lëvizje ka qënë thuajse e detyruar pasi neurokirurgjia në Tiranë është më e specializuar se në Maqedoni.
Kujtojmë që politikani dhe profesori i njohur jepte mësim të enjteve në universitetin e Strugës në Maqedoni, ritual që e ka kryer edhe ditën e djeshme. Sot paradite teksa planifikonte kthimin për në Tiranë, gjendja e tij shëndetësore është përkeqësuar, prandaj edhe është nisur me urgjencë drejt Tiranës.
Hajdaraga ka mbajtur portofolin e ministrit të Mbrojtjes së Shqipërisë gjatë viteve 1998-2000, përfshi këtu edhe kohën e luftës në Kosovë.