Lulzim Basha pasi dekonspiroi operacionin e bllokimit të 3.4 mln eurove nga policia në Durrës duke shpërdoruar pozicionin politik për t’i shërbyer personave të dyshimtë, sot ka marrë një goditje të rëndë kur socialisti Taulant Balla publikoi një foto ku Basha pozonte bashkë me vëllain e njërit prej të shpallurve në kërkim për këtë rast.
Mirëpo, kjo nuk është ‘’koecidenca” e vetme e lidhjes së vëllait të njërit prej të kërkuarve me PD-në, pasi mesa duket rrënjët janë më të thella nga sa duken.
Siç shihet në komentet në një nga fotot e Alfred Vladit të shpallur në kërkim, ka bashkëbisedim miqësor edhe me ish bodyguardin e Sali Berishës deri në 2005, Osman Levanakun. Siç duket në komente, Levanaku thotë miqësisht mikut të tij sot në kërkim se “Je më i mirë se aq”. Pra, njohja mes tyre është e mirë.
Levanaku, i cili pra duket që ka një marrëdhënie shumë miqësore me të kërkuarin Vladi, pasi ka shërbyer si mburojë e Berishës, është graduar po nga Berisha si Komandant i Forcave Speciale. Osman Levanaku ka qenë gjithashtu edhe gardiani i çadrës së PD-së. Ishte ai që e hapte çadrën në mëngjes e mbyllte në darkë dhe e ruante natën. Para pak muajsh u arrestua në Qafë Thanë.
Thënë këto fakte, dalim në konkluzionin se PD qenka e lidhur me personat e “Toyota Yarisit” nga të gjitha anët. Që nga Basha e deri te ish shoqëruesi e njeriu i besuar i Berishës. Kjo është vetëm ajo që duket. Në vazhdim mbetet të zbardhet e gjithë e vërteta. 
