Ka shërbyer një postim i gjatë i juristit Romeo Kara në rrjetin social në lidhje me një intervistë të sajuar dhe shfajsuese për “Gërdecin” të Shkelzen Berishës, djalit të ish kryeministrit, që të ndërhynte dhe motra e vëllezërve Haklaj, me një koment të saj të ashpër.
Teksa Kara shkruante mes të tjerave në rrjetin social se “kush e njeh sado pak politikën dhe Berishën e kupton se, Berishës i nevojitet sot më tepër se kurrë, një “rivirgjerim moral” i Berishës Junior, për t’a katapultuar atë në krye të PD”, ndërhyn Zylfie Haklaj që sjell në kujtesë të varët sipas saj nga familja Berisha.
Ajo shkruan:
“Ka mundësi që është shumë vonë tani të ‘rivirgjërohet’, vetëm në qoftë se ringjallen ata që i ka groposur?”.
